Si-phian 93 - 現代台語譯本漢字版

上主作王

¹ 上主作王掌權！ 伊用威嚴做衫穿； 上主用威嚴做衫穿， 用氣力做帶縖。 伊建立世界， 世界永遠𣍐動搖。

² 你的寶座古早就建立； 你對永遠就存在。

³ 上主啊，大水啲夯湧， 大水夯湧出大聲； 大水夯湧嘩嘩哮。

⁴ 上主佇天頂顯出威力， 贏過海洋的大湧， 壓過大水嘩嘩哮的聲。

⁵ 上主啊，你的誡命確立𣍐改變； 你的殿神聖，直到永遠。