Si-phian 82 - 現代台語譯本漢字版

上帝是至高的主宰

亞薩的詩。

¹ 上帝佇天庭主持大會， 佇眾神的會中啲審判。

² 「恁無照公義審判， 偏袒歹人欲到什麼時？

³ 恁著為散赤人及孤兒申冤， 為困苦欠缺的人主持公道。

⁴ 著解救散赤欠缺的人， 互𪜶脫離歹人的手。

⁵ 「恁毋知，完全𣍐了解， 佇烏暗中行來行去； 公義的根基攏搖泏。

⁶ 我曾講：『恁是神， 攏是至高上帝的子；

⁷ 毋拘恁及世間人像款攏會死， 親像逐個領袖會倒落去。』」

⁸ 上帝啊，求你起來審判世界， 因為萬國攏是你的。