Si-phian 70 - 現代台語譯本漢字版

祈求幫贊

大闢記念的詩，交互聖樂長。

¹ 上帝啊，求你拯救我； 上主啊，求你緊來幫贊我。

² 願數想欲害我性命的人漏氣見笑； 願愛我受陷害的人敗退受凌辱。

³ 願對我講「乎，你慘啊」許個人， 因為見笑撤退。

⁴ 願尋求你的人攏因為你歡喜快樂； 願欣慕你拯救的人時常講： 「著尊上帝做大！」

⁵ 總是我困苦散赤； 上帝啊，求你趕緊來我遮。 你是我的幫贊，我的拯救； 上主啊，求你毋通延延。