Si-phian 6 - 現代台語譯本漢字版

祈求保護的早禱

大闢的詩，交互聖樂長；用弦的樂器伴奏；調，降八度。

¹ 上主啊，求你毋通受氣責備我， 毋通發大受氣責罰我。

² 上主啊，求你可憐我，因為我衰荏； 上主啊，求你醫治我，因為我的骨頭㘈㘈顫。

³ 我的心非常驚惶； 上主啊，你底時才欲救我？

⁴ 上主啊，求你越倒轉來救我的性命， 求你因為你的慈愛，拯救我。

⁵ 因為死人𣍐記念你； 佇陰府，啥人會感謝你？

⁶ 我因為哼哼呻厭倦； 我逐暝流目屎淹我的眠床， 濕霑我的床舖。

⁷ 我因為憂悶目睭拍歹， 因為對敵多，目睭花。

⁸ 恁做歹的人攏著離開我， 因為上主有聽見我啼哭的聲。

⁹ 上主有聽我的懇求； 上主欲接納我的祈禱。

¹⁰ 我的對敵攏會見笑大驚惶； 𪜶會忽然見笑撤退。