人的邪惡( 詩 14 )大闢教示的詩，交互聖樂長；調，用「麻哈拉」。 1 戇人心內講：「無上帝。」 𪜶攏腐敗，做可惡的代誌， 無甲一個做好。
2 上帝對天俯落來看世間人， 欲看有明理，有尋求上帝的人抑無。
3 𪜶逐個人攏行迷路，平平變做污穢； 無人做好，連一個都無。
4 做歹的人豈攏毋知？ 𪜶吞食我的子民親像啲食飯； 𪜶無求叫上帝。
5 𪜶佇毋免驚惶的時大驚惶； 因為上帝有將包圍攻擊你的人的骨頭撒散； 𪜶會見笑失敗，因為上帝棄拺𪜶。
6 願以色列的拯救對錫安出！ 願上帝導伊受掠的子民倒轉來！ 彼時，以色列會歡喜， 雅各會快樂！
