1 上帝啊,求你主持公道, 對無敬畏你的國替我申冤; 求你救我脫離奸詐不義的人。
2 你是我的上帝,我的堡壘; 你是按怎放拺我? 我是按怎著因為對敵的壓迫悲傷行來行去?
3 求你顯出你的光及真實來引導我, 導我去你的聖山,到你的會幕。
4 我就來上帝的祭壇, 到我極大歡喜的上帝遐。 上帝,我的上帝啊,我欲彈琴稱讚你。
5 我的心啊,你是按怎鬱卒, 是按怎佇我內面哼哼呻? 著仰望上帝; 我猶久欲稱讚伊, 因為伊是我的拯救者,我的上帝。
The Bible Society in Taiwan, 2021