Si-phian 3 - 現代台語譯本漢字版

求上帝幫贊的早禱

大闢逃閃伊的子押沙龍的時做的詩。

¹ 上主啊，我的對敵哪赫多！ 赫多人起來攻擊我。

² 𪜶對我講： 「上帝𣍐幫贊你。」

³ 毋拘，上主，你是保護我的盾牌，我的榮光； 你互我的頭殼攑會起來。

⁴ 我出聲求叫上主； 伊會對伊的聖山應我。

⁵ 我倒啲，我啲睏，我精神， 上主攏啲保護我。

⁶ 就是講有千萬人包圍攻擊我， 我嘛毋驚。

⁷ 上主啊，求你起來； 我的上帝啊，求你拯救我。 因為你有搧我對敵的嘴䩃， 有摃斷歹人的嘴齒。

⁸ 拯救對上主來； 願你賜福互你的子民。