Si-phian 15 - 現代台語譯本漢字版

上帝的要求

大闢的詩。

¹ 上主啊，什麼款人會當住佇你的布棚？ 什麼款人會當徛起佇你的聖山？

² 就是行為正直，作事公義，對心底講真實的人。

³ 伊無用嘴舌中傷人； 伊無陷害朋友， 無四界造謠誹謗厝邊。

⁴ 伊的目睭藐視作歹的人， 毋拘尊重敬畏上主的人。 伊咒誓，雖然家己剋虧嘛無改變。

⁵ 伊錢借人毋是為著利息； 伊無收賄賂陷害無辜的人。 做此款代誌的人會永遠徛在。