Si-phian 13 - 現代台語譯本漢字版

求幫贊的祈禱

大闢的詩，交互聖樂長。

¹ 上主啊，你𣍐記得我欲偌久？到永遠是無？ 你面越走毋看我欲偌久？

² 我忍受苦痛，歸日心憂傷著到偌久？ 我的對敵高升贏過我著到偌久？

³ 上主 — 我的上帝啊，求你看顧我，應答我， 互我的目睭金金，才免我睏到死去，

⁴ 才免我的對敵講「我較贏伊」， 才免我的敵人佇我失敗的時歡喜。

⁵ 毋拘我倚靠你的慈愛； 我的心因為你的拯救快樂。

⁶ 我欲唱歌稱讚上主， 因為伊用豐盛的恩典對待我。