Si-phian 128 - 現代台語譯本漢字版

敬畏上主的人有福氣

𬦰崎上耶路撒冷的詩。

¹ 敬畏上主的人真有福氣！ 遵行伊道路的人真有福氣！

² 你會當食雙手拍拼得著的食物， 事事順利，真正幸福！

³ 你的某佇厝內親像𠢕結果子的葡萄樹； 你的子兒圍佇你的桌親像橄欖栽。

⁴ 敬畏上主的人一定即呢幸福！

⁵ 願上主對錫安賜福互你！ 願你一生會看著耶路撒冷繁榮！

⁶ 願你會看著子子孫孫！ 願以色列國泰民安！