Si-phian 127 - 現代台語譯本漢字版

信靠上主的眷顧

𬦰崎上耶路撒冷的詩；所羅門所做。

¹ 厝宅若毋是上主建造， 建造的人就空空勞苦。 城若毋是上主顧守， 守望的人就白白警醒。

² 恁早早起來，晏晏才睏， 拖磨賺食嘛無採工。 上主所疼的人， 伊互𪜶好睏。

³ 子兒是上主所賜的產業， 嬰仔是伊的報賞。

⁴ 少年的時生的子兒 親像勇士手中的箭。

⁵ 箭袋飽飽的人真有福氣！ 𪜶佇城門口及對敵爭辯攏𣍐致到見笑。