Si-phian 124 - 現代台語譯本漢字版

上主是咱的保護者

𬦰崎上耶路撒冷的詩；大闢所做。

¹ 以色列著講： 「若毋是上主為咱，

² 若毋是上主為咱， 人起來攻擊咱，

³ 對咱發受氣的時， 早就給咱活活吞落去。

⁴ 大水早就給咱沖走， 大湧早就淹密咱，

⁵ 兇狂的水早就給咱淹死。」

⁶ 咱著稱讚上主， 因為伊無將咱交互對敵拆食落腹。

⁷ 咱的性命親像鳥仔脫離掠鳥的人的羅網； 羅網破裂，咱得著逃脫。

⁸ 咱得著幫贊是靠上主的名； 伊是天地的創造主！