Si-phian 110 - 現代台語譯本漢字版

上主及伊揀選的王

大闢的詩。

¹ 上主對我的主講： 「你坐我的正旁， 聽候我互你的對敵做你的腳砧。」

² 上主欲互你對錫安伸出權能的柺； 你著佇對敵的中間掌權。

³ 你出征的日，人民會甘心作兵； 你的壯丁會親像早起時的露水結合，來聖山跟隨你。

⁴ 上主有立誓，一定𣍐後悔，講： 「照麥基洗德的班次，你永遠作祭司。」

⁵ 主佇你的正旁， 伊受氣的日會拍敗列王。

⁶ 伊欲審判萬國， 拍敗𪜶的首領， 互身屍遍滿全地。

⁷ 王欲飲路邊的溪水， 重新得著氣力，百戰百勝。