Si-phian 11 - 現代台語譯本漢字版

信靠上主

大闢的詩，交互聖樂長。

¹ 上主是我的避難所； 恁是按怎對我講： 「你著親像鳥飛去山內。

² 看啊，歹人拗弓，安𪜶的箭佇弓弦， 欲暗中射心正直的人。

³ 地基崩去， 義人猶會當做什麼？」

⁴ 上主佇伊的聖殿； 上主的寶座佇天裡。 伊的目睭啲看， 金金啲監察世間人。

⁵ 上主考驗義人； 歹人及愛強暴的人，伊厭惡。

⁶ 伊互啲𤏸的火炭降落佇歹人身上， 用火焰、硫磺，及炎熱的風做𪜶應受的報應。

⁷ 上主公義，伊愛公義； 正直的人會見著伊的面。