王對上帝下願大闢的詩。 1 我欲唱慈愛及公義的歌； 上主啊，我欲頌讚你。
2 我欲謹慎行正直的路； 你什麼時才欲來我遮？ 我欲用正直的心佇宮內生活。
3 下賤的事，我攏毋看； 背逆上帝的人的所做，我真厭惡； 我毋互伊沐著。
4 彎曲的心思，我攏無愛； 一切的歹代，我攏拒絕。
5 暗中誹謗厝邊的人，我欲給伊毀滅； 目頭高，心驕傲的人，我𣍐容允。
6 我欲眷顧國內忠實的人，互𪜶及我做夥住； 我欲互行正直的路的人服事我。
7 詭詐的人𣍐用得住我的宮內； 白賊的人𣍐用得徛佇我的目睭前。
8 逐早起我欲毀滅國內的歹人， 將所有做歹的人對上主的城消除。
