Yibraniyeku 1 - Mewar Alqawarang

Yi ɓu̱ Magham wa Duk nu̱ Ru̱ktiku ɓu̱ Magham ndu̱ Zhaaji

¹ Zhu tang Magham wa shi ɓalar ye zhikaneremku ve njivku zum zum ye sarchiku khang nu̱ ku̱nshe annabiku.

² Yang ye lauɗarsi qaandi virkirku nang shi ɓalarang nu̱ ku̱nshe Yi ɓaran. Magham du̱ng aa nu̱m ndu̱ aa nu̱m nu̱ ku̱nshe Yi ɓaranang. Datkya chin tu̱k ma ku̱ aa nu̱m kha ma ɓaran.

³ Chin ke yarang ɓu̱ zhaaji ɓu̱ Magham ndu̱ shipar ɓu̱ Magham shiku̱tku̱t. A khar da ndu̱ Magham. Chin khubki aa nu̱m nu̱ ku̱nshe ɓalar ɓaran nu̱ke zalale a si. Qu̱rse nu̱ shiɓki solarku nu̱ gha, tu̱ khan mbu̱ viɗi ɗyin bu̱n zu̱ma ɓu̱ Nu̱ Zhaaji kap.

Yesu wa Duk nu̱ Ru̱ktiku ɓu̱ Magham

⁴ Ku̱me nang Yesu wa duk Nu̱ ru̱ktiku ɓu̱ Magham, ba wa nu̱ke dlu̱m nu̱ Magham vu̱rki yenda wa duk ɓaanda gwaari.

⁵ Jiwa sar da nu̱ Magham ze nu̱ ru̱kti ɓaran nggur za, “To Yi ɓanga, nga kha ma Zhu meeni” ɓa. Yang a nje da chele ɓaanda nu̱ zu̱ki yenda za, “Nga kha ma Zhu, ta kha ma Yi ɓanga” ɓa.

⁶ Yang tu̱k sarchi nu̱ke Magham a ru̱k Ye Gomir ɓaran nu̱ mbu̱ larji, tu̱ zu̱ za, “Bu ku̱ nu̱ ru̱ktiku ɓu̱ Magham kap ghar ghai yenda.”

⁷ Nu̱ Magham jiiki ma ɓalar ɓu̱ nu̱ ru̱ktiku ɓaran tu̱ zu̱ za, “Magham wa ka sa nu̱ ru̱ktiku ɓaran tu̱ kha wa khu̱kheeti, nu̱ tlu̱nar yenda ku ka kha wa ghiindi ɓai.”

⁸ Yang ɗyine Yi ɓaranang, tu̱ zu̱ za, “Zhakhɗye kwaaɗar ɓaaro, ai Magham, a nje aakochi me tu̱ɓ su̱ ɓa, zaaɓir kwaaɗar ɓaaro ɗya nu̱ dambi.

⁹ Ta shimkya tlu̱nar dambi, ta zhang yen ndu̱ mu̱na maɗyi! Nang ke ɗyi nu̱ saki tu̱ Magham, Maghamndi ɓaaro, waka nu̱gha, tu̱ vu̱r zhaaji yoro guma ndu̱ nyeezoku, tu̱ pu mor ɓong memu̱nar yoro.”

¹⁰ Tu̱ zu̱ tu̱k za, “Gumapaali, Zhinkir gwaanji, to du̱ngki dlu̱dlarsi larji, maa viɗku ɗya tlu̱nar ɓu̱ khaaro.

¹¹ Ka su̱ya ku, yang ɓaa ba ta nje kap ɓaanda ka gu̱ma tu̱ nggumku wa luku.

¹² To ka ɗyikhla wor nu̱gha wa kapari, ka paata wor nu̱gha ba wa nu̱ka paataki kapar gu̱ndi. Yang ɓaa no ka shi paata ɓa, sonyiriku ɓaa nu̱ ka shi woɗa zum ɓa.”

¹³ Magham zu̱kya ye nyi nu̱ ru̱ktiku ɓaran za, “Khon ve ɗyin bu̱na nu̱ zu̱ma kope nga sa nu̱ kare ku ndu̱ to tu̱ kha ma ɗye khatli mbu̱ saaro ra?”

¹⁴ Yang shwat ɗa, nu̱ ru̱ktiku ɓu̱ Magham ɗya jiimbiku nu̱ tlu̱nar ku ma shaata nduki nu̱ke a ma zu̱m ɗye mbu̱ ge ɗanar ɓa goma?