Зәбур 86 - Изге Язма

¹ Корах угылларының җыр-мәдхиясе.

² Иерусалимне Ул изге таулар өстенә корган. Ягъкубның барлык шәһәрләреннән артыграк ярата Раббы Сион капкаларын.

³ Мактаулар күп әйтелә синең хакта, Аллаһы каласы!

⁴ Раббы әйтте: «Раһаб белән Бабил Мине танып белүчеләр дип исәплим. Әнә, Пелешет, Сур һәм Хәбәшстан шунда туган».

⁵ «Һәммәсе шунда туган», – дип әйтер кешеләр, Сионны телгә алып. Аллаһы Тәгалә аны Үзе ныгыткандыр.

⁶ Халыклар исемлеген төзегәндә, Раббы һәр халык турында: «Монысы да шунда туган!» – дип язар.

⁷ Җырчылар, биючеләр беравыздан: «Тормыш чыганагым Синдәдер!» – диярләр.