Зәбур 53 - Изге Язма

^1-2 Җырчылар җитәкчесенә: кыллы уен коралларында. Зифлылар, килеп, Шаулга: «Давыт безнең якларда качып ята», – дигәннән соң, Давыт әйткән нәсыйхәт сүзләре.

³ И Аллаһы, исемең хакына коткар мине, кодрәтең белән акла мине!

⁴ И Аллаһы, догамны ишет, авызымнан чыккан сүзләргә колак сал!

⁵ Юкса читләр миңа каршы аякланды, залим бәндәләр, Аллаһыны санламаучылар, җаныма кул суза.

⁶ Хактыр: Аллаһы – минем ярдәмчем, Хуҗа-Хаким – минем таянычым.

⁷ Явызлыклары җәзасыз калмас дошманымның; тугрылыгыңны күрсәт – юк ит Син аларны!

⁸ Мин исә ихлас йөрәктән Сиңа корбаннар китерермен, исемеңә, и Раббым, рәхмәтләр укырмын, чөнки Син – игелек чыганагы.

⁹ Син мине бар бәлаләрдән коткардың, дошманнарым өстеннән мин тантана итәм.