I Елъязма 2 - Изге Язма

Исраил угыллары

¹ Исраилнең угыллары: Рубин, Шимун, Леви, Яһүдә, Исәсхәр, Зәбулун,

² Дан, Йосыф, Беньямин, Нәптали, Гәд һәм Ашер.

Яһүдәнең нәсел шәҗәрәсе

³ Яһүдәнең угыллары Эр, Онан һәм Шела атлы иде. Алар өчесе кәнгани Шуа кызыннан туды. Яһүдәнең беренче углы Эр Раббы күзенә ятышсыз күренгән гамәлләр кылды, шунлыктан Раббы аның гомерен кисте.

⁴ Яһүдәнең килене Тамар Яһүдәдән Перес һәм Зерахны тапты. Яһүдәнең җәмгысы биш углы булды.

⁵ Перестан Хесрон һәм Хамул туды.

⁶ Зерахның угыллары Зимри, Этан, Һеман, Кәлкөл һәм Дара атлы иде – барысы бишәүдер.

⁷ Кәрминең углы Акәр исемле булды. Әлеге Акәр, юк ителергә тиешле нәрсәләргә нәфесен сузып, Исраилне бәлагә салган кеше иде.

⁸ Этаннан Азария туды.

⁹ Хесроннан Ярахмел, Рам һәм Кәлүбәй дөньяга килде.

¹⁰ Рамнан соң нәсел җебенең дәвамы: Амминадаб, Яһүдә угылларының юлбашчысы Нахшон,

¹¹ Салмон, Богаз,

¹² Обид, Ишай.

¹³ Ишайның беренче углы Элиаб атлы булып, икенчесе – Абинадаб, өченчесе – Шимга,

¹⁴ дүртенчесе – Нетанел, бишенчесе – Раддай,

¹⁵ алтынчысы – Осем, җиденчесе Давыт атлы иде.

¹⁶ Аларның кыз туганнарының берсе – Сәрүя, берсе Абигәйль исемен йөртте. Сәрүянең өч углы туды: Әвишәй, Йоав һәм Асаһел.

¹⁷ Абигәйль исә Амасаны тапты; Амасаның атасы исмәгыйли Етер иде.

¹⁸ Хесрон углы Кәлебнең үз хатыны Азубадан кызы Яригот туды. Яриготның угыллары: Ешер, Шобаб һәм Ардон.

¹⁹ Азуба дөнья куйганнан соң, Кәлеб үзенә хатынлыкка Эфратаны алды, һәм ул аңа бер угыл – Хүрне табып бирде.

²⁰ Хүрдән – Ури, ә Уридән Бесалел туды.

²¹ Соңрак алтмышын узган Хесрон, Мәкир кызы янына килеп, аңа өйләнде, һәм әлеге хатын аңа бер угыл – Сигүвне табып бирде. Әлеге Мәкир – Гилыгадның атасыдыр.

²² Сигүвтән Яһир туды. Яһирның Гилыгад җирендә егерме өч шәһәре бар иде.

²³ Әмма Гәшүр белән Арам Яһирның авылларын, Кынат каласын һәм аның әйләнә-тирәсендәге алтмыш шәһәрне яулап алдылар. Алар барысы да Гилыгад атасы Мәкирнең нәсел варислары иде.

²⁴ Хесрон Кәлеб-Эфрата каласында дөнья куйганнан соң, хатыны Абия бер угыл – Ашхурны тапты. Әлеге Ашхур – Тыкуаның атасыдыр.

²⁵ Хесронның беренче баласы Ярахмелнең угыллары шулардыр: беренчесе Рам, аның артыннан Буна, Орен, Осем һәм Ахия.

²⁶ Ярахмелнең Атара атлы икенче хатыны да булып, ул – Онамның анасы иде.

²⁷ Ярахмелнең баш баласы Рамнан Магас, Ямин һәм Экыр дөньяга килде.

²⁸ Онамның исә Шаммай һәм Яда атлы угыллары булды. Шаммайдан Надаб һәм Абишүр дөньяга килде.

²⁹ Абишүрнең хатыны Абиһаил аңа ике угыл – Ахбан һәм Молидны табып бирде.

³⁰ Надабның угыллары Селед һәм Аппаим атлы иделәр. Селедның балалары булмады, ул үзеннән соң угыл калдырмыйча үлеп китте.

³¹ Аппаимнән исә Иши, Ишидән – Шешан, ә Шешаннан Ахлай дөньяга килде.

³² Шаммайның ир туганы Яданың Етер һәм Йонатан атлы угыллары булды. Етер нәсел калдырмыйча үлеп китте.

³³ Йонатанның исә ике углы – Пелет һәм Заза дөньяга килде. Болар барысы да Ярахмел угылларыдыр.

³⁴ Шешанның угыллары булмады, аңардан кызлар гына туды. Шешанның Ярха исемле мисырлы колы бар иде,

³⁵ һәм Шешан үзенең кызын шул колы Ярхага хатынлыкка бирде; аларның угыллары Аттай исемле булды.

³⁶ Әлеге Аттайдан соң нәсел җебенең дәвамы: Натан, Забад,

³⁷ Эфлал, Обид,

³⁸ Еһү, Азария,

³⁹ Хелес, Элгаса,

⁴⁰ Сисмай, Шаллум,

⁴¹ Якамия, Элишама.

⁴² Ярахмелнең ир туганы Кәлеб угыллары: беренчесе – Меша, икенчесе – Мареша. Мешадан – Зиф, ә Марешадан Хебрун туды.

⁴³ Хебрунның Корах, Таппуах, Рәкым һәм Шема атлы угыллары булды.

⁴⁴ Шемадан – Рахам, ә Рахамнан – Йоркугам дөньяга килде. Рәкым – Шаммайның,

⁴⁵ ә Шаммай – Магонның атасыдыр. Әлеге Магон исә Бәйт-Сурның атасы иде.

⁴⁶ Кәлебнең Эйфа атлы кәнизәге өч угыл – Харан, Моса һәм Гәзезне тапты. Хараннан Гәзез туды.

⁴⁷ (Яһдайның Регем, Иотам, Гешан, Пелет, Эйфа һәм Шагап атлы угыллары булды.)

⁴⁸ Кәлебнең Мәгакәһ атлы кәнизәге Шебер һәм Тирхананы тапты;

⁴⁹ Мәгакәһ шулай ук Шагап белән Шеваның да анасы иде. Шагаптан – Мадманна, ә Шевадан Мәкбенә һәм Гибга дөньяга килде. Кәлебнең кызы исә Ахса исемле булды.

^50-51 Кәлебнең нәсел шәҗәрәсе шундыйдыр. Эфратаның беренче углы Хүрнең Шобал, Салма, Хареф атлы балалары булды. Әлеге Шобал – Кыръят-Ягаримнең, Салма – Бәйт-Лехемнең, Хареф исә Бәйт-Гадерның атасы иде.

⁵² Кыръят-Ягарим атасы Шобалның нәсел варислары: Һаруһе угыллары, менухотиләрнең яртысы,

⁵³ Кыръят-Ягаримнең кабиләләре: итри, пути, шумати һәм мишрагиләр; Сорга һәм Эштаол шәһәрләрендә яшәүчеләр алардан барлыкка килде.

⁵⁴ Салманың нәсел варислары: Бәйт-Лехемдә, Нетофада, Атрот-Бәйт-Йоавта, Соргада яшәүчеләр, Манахат халкының яртысы,

⁵⁵ шулай ук Ягбестә яшәүче һәм кәтип эшен башкаручы кабиләләр: тиргатиләр, шимгатиләр һәм сүхәтиләр; болар барысы да Рехаб йортының атасы Хамматтан барлыкка килгән кыниләр иде.