Lipesalema 98 - Setswana 1970

Mogolodi wa badumedi le moatlhodi wa lefatshe

¹ Pesalome. Opelelang Morena sefela se sešwa; gonne o dirile dilo tse di gakgamatsang. O fenya ka seatla se se jang, e bong ka letsogo la gagwe le le boitshepo.

² Morena o utlwaditse pholoso ya gagwe, a senolela matlho a ditšhaba tshiamo ya gagwe.

³ O gopotse bopelontle jwa gagwe le boikanyo jwa gagwe mo Baiseraeleng; dikhutlo tsotlhe tsa lefatshe di bonye pholoso ya Modimo wa rona.

⁴ Dudueletsang Morena, lona ba lefatshe lotlhe; ponyegang, lo ipele, lo opele.

⁵ Opelelang Morena ka katara, ka katara le mantswe a kopelo.

⁶ Duduetsang ka diphala le tumo ya dinaka fa pele ga Morena yo e leng kgosi.

⁷ A lewatle le gwase le tse di tletseng mo go lone, le lefatshe le ba ba agileng mo go lone.

⁸ A dinoka di ope diatla le dithaba di pate ka maipelo

⁹ fa pele ga Morena. Gonne o e tla go atlhola lefatshe. O tla atlhola lefatshe ka tshiamo, le batho ka tshwanelo.