Lipesalema 87 - Setswana 1970

Jerusalema ke mmamerafe

¹ Pesalome ya boora Kora. Sefela. Metheo e e mo dithabeng tse di boitshepo, Morena o a e rata.

² O rata dikgoro tsa Sione bogolo go maago otlhe a ga Jakobe.

³ Dilo tse di galalelang di bolelwa ka ga gago, wena motse wa Modimo. Sela.

⁴ Ke umaka Rahabe le Babele mo go ba ba nkitseng; le Felesita le Tiro mmogo le Khuše ke re: “Ba, ba tsaletswe teng.”

⁵ Ka ga Sione go tla twe: “Mongwe le mongwe o tsaletswe teng.” Mme motse oo, Mogodimodimo o a o tlhomamisa.

⁶ Morena o tla bala, fa a kwala ditšhaba, a re: “Yo, o tsaletswe teng.” Sela.

⁷ Bona ba ba binang pina le ba ba opelang ba re: “Metswedi yotlhe ya me e mo go wena.”