Lipesalema 67 - Setswana 1970

Sefela sa go lebogela thobo

¹ Pesalome. Sefela se se kwaletsweng moopedisi, se opedisiwa ka kwadi ya dithapo.

² A Modimo o nne boitshwarelo le rona, o re tshegofatse; a o re phatsimisetse sefatlhego sa ona, Sela,

³ gore tsela ya gago e lemogiwe mo lefatsheng, le pholoso ya gago mo ditšhabeng tsotlhe.

⁴ Merafe e tla go baka, Modimo, ditšhaba tsotlhe di tla go baka.

⁵ Merafe e tla itumela, e ipela, ka gonne o atlhola ditšhaba ka tshiamo, ò goga merafe mo lefatsheng. Sela.

⁶ Merafe e tla go leboga, Modimo, ditšhaba tsotlhe di tla go leboga.

⁷ Lefatshe le ntshitse thobo ya lone. Modimo, e bong Modimo wa rona, o tla re tshegofatsa.

⁸ Modimo o tla re tshegofatsa, mme dikhutlo tsotlhe tsa lefatshe di tla o boifa.