Lipesalema 54 - Setswana 1970

Thapelo ya go emelelana le baba ba ba gaketseng

¹ Sefela sa thuto sa ga Dafita se se kwaletsweng moopedisi, se opedisiwe ka kwadi ya dithapo,

² motlheng ole fa batho ba Sife ba tsile go Saule, ba mo raya ba re: “A Dafita ga a iphitlha fa go rona?”

³ Modimo, nthuse ka leina la gago; o ntshiamisetse ka thata ya gago.

⁴ Modimo, utlwa thapelo ya me, o reetse mafoko a molomo wa me.

⁵ Gonne ba ba matepe ba ntsogetse, diganka di batla botshelo jwa me; ga ba gopole Modimo. Sela.

⁶ Bonang, Modimo ke mothusi wa me; Morena ke ene yo o tshegetsang bophelo jwa ka.

⁷ O tla busetsa baba ba ka bosula. Ba nyeletse ka fa boammaaruring jwa gago.

⁸ Ke tla go direla setlhabelo ka pelotshweu; ke tla leboga leina la gago, Morena, gonne le molemo;

⁹ gonne le nnamoletse mo tlalelong yotlhe, mme leitlho la me le lebile baba ba me ka boitumelo.