Lipesalema 47 - Setswana 1970

Modimo o tlhatloga ka tuduetso

¹ Pesalome ya boora Kora e e kwaletsweng moopedisi.

² Lona merafe yotlhe, opang diatla, dudueletsang Modimo ka kopelo ya maipelo!

³ Gonne Morena Mogodimodimo o a boitshega; ke kgosi e kgolo mo lefatsheng lotlhe.

⁴ O digela merafe fa tlase ga rona le ditšhaba fa tlase ga dinao tsa rona.

⁵ O re tlhophela boswa jwa rona, boipelafalelo jwa ga Jakobe yo a mo ratileng. Sela.

⁶ Modimo o tlhatloga ka tuduetso, Morena o tlhatloga ka tumo ya phala.

⁷ Opelelang Modimo pako, o opeleleng; opelelang kgosi ya rona pako, opelang!

⁸ Gonne Modimo ke kgosi ya lefatshe lotlhe; opelang sefela se se utlwalang.

⁹ Modimo o busa merafe; Modimo o ntse mo sedulong sa bogosi sa ona se se boitshepo.

¹⁰ Batlotlegi ba merafe ba phuthegile, e bong batho ba Modimo wa ga Aborahame; gonne dithebe tsa lefatshe ke tsa Modimo, o mogolo bogolo.