Lipesalema 4 - Setswana 1970

Sefela sa maitsiboa

¹ Pesalome ya ga Dafita e e kwaletsweng moopedisi; e opedisiwe ka kwadi ya dithapo.

² Fa ke bitsa o nkutlwe, Modimo wa tshiamo ya me! Mo pitlaganong ya me o nkatlhamoloseditse bonno; ntlhomogele pelo, o utlwe thapelo ya me!

³ Lona banna, tlotlo ya me e tla nna tshotlo goleele go le kae? Lo tla rata boithamako le go batla maaka goleele go le kae? Sela.

⁴ Itseng gore Morena o itlhaoletse yo o mo kgatlhang. Morena o a utlwa fa ke tlhaeleletsa go ena.

⁵ Galefang, mme lo se leofe; buang ka dipelo tsa lona mo malaong a lona, mme lo didimale. Sela.

⁶ Tlhabang ditlhabelo tsa nnete, lo ikanye Morena.

⁷ Ba bantsi ba re: “Ke mang yo o re bontshang se se molemo? Morena, re sedifaletse ka lesedi la sefatlhego sa gago.”

⁸ Pelo ya me o e tladitse boitumelo jo bo fetang jwa bona, jwa letlotlo la mabele le la bojalwa.

⁹ Ke tla ya go lala ka kagiso, ke thulamela; gonne ke wena Morena o le wesi yo o mphedisang mo kagisong.