Lipesalema 29 - Setswana 1970

Kgalalelo ya Modimo, fa maru a duma

¹ Pesalome ya ga Dafita. Nayang Morena, lona bomorwa Modimo, nayang Morena tlotlo le thata.

² Nayang Morena tlotlo e e tshwanetseng leina la gagwe; obamelang Morena lo kgabile ka tse di boitshepo.

³ Lentswe la Morena le mo godimo ga metsi; Modimo wa kgalalelo o dumisa maru. Morena o okame metsi a magolo.

⁴ Lentswe la Morena le thata, lentswe la Morena le a galalela.

⁵ Lentswe la Morena le robaganya ditlhare tsa mesetere. Ee, Morena o robaganya mesetere ya Lebanone.

⁶ O karagantsha Lebanone jaaka namane le Sirione jaaka poana ya nare.

⁷ Lentswe la Morena le a ratha, le ntshe kgabo ya molelo.

⁸ Lentswe la Morena le roromisa sekaka; Morena o roromisa sekaka sa Kateše.

⁹ Lentswe la Morena le tsadisa ditshephe, le fotlhe dikgwa, mme mo Tempeleng ya gagwe dilo tsotlhe di bua di re: “Kgalalelo!”

¹⁰ Morena o kile a okama Morwalela wa metsi, Morena o bile o ntse a dutse jalo e le kgosi ya bosakhutleng.

¹¹ Morena o tla naya batho ba gagwe thata, Morena o tla tshegofatsa batho ba gagwe ka kagiso.