Lipesalema 128 - Setswana 1970

Lesego la go boifa Modimo

¹ Sefela sa go ya Tempeleng. Go sego mongwe le mongwe yo o boifang Morena, yo o tsamayang mo ditseleng tsa gagwe.

² Ruri, o tla ja tsa tiro ya diatla tsa gago. O letlhogonolo! O tshela sentle.

³ Mosadi wa gago o tshwana le moweine o o ungwang, a le mo teng ga ntlo ya gago. Bana ba gago ba ntse jaaka matlhogela a motlhware, ba dikanyeditse bojelo jwa gago.

⁴ Bona, monna yo o boifang Morena, ruri o tla tshegofadiwa jalo.

⁵ A Morena a go tshegofatse a le mo Sione, gore o bone letlhogonolo la Jerusalema ka malatsi otlhe a bophelo jwa gago,

⁶ o be o bone le bana ba bana ba gago! A kagiso e nne le Iseraele!