Lipesalema 121 - Setswana 1970

Mo tseleng

¹ Sefela sa go ya Tempeleng. Ke tsholeletsa matlho a me kwa dithabeng; thuso ya me e tla tswa kae?

² Thuso ya me e tswa Moreneng yo o dirileng legodimo le lefatshe.

³ Ga a ka ke a leseletsa lonao lwa gago go relela! Motlamedi wa gago ga a ka ke a otsela!

⁴ Kana Motlamedi wa Iseraele ga a otsele, e bile ga a robale.

⁵ Morena ke Mmabaledi wa gago; Morena ke moriti wa gago fa letsogong la gago le le jang.

⁶ Letsatsi ga le kitla le go tlhaba motshegare, le fa e le ngwedi bosigo.

⁷ Morena o tla go sireletsa mo masuleng otlhe; o tla boloka mowa wa gago.

⁸ Morena o tla femela go bolola ga gago le go goroga ga gago go tloga jaanong go fitlha bosakhutleng.