Lipesalema 12 - Setswana 1970

Maaka a laola batho; Modimo ke boammaaruri

¹ Pesalome ya ga Dafita e e kwaletsweng moopedisi, e na le kodu ya moporo.

² Morena, thusa; gonne ga go tlhole go na le yo o boifang Modimo, mme ba ba ikanyegang ba fedile mo baneng ba batho.

³ Ba bua maaka mongwe le yo mongwe, ba bua ka melomo e e borethe le bopelopedi.

⁴ A Morena a nyeletse melomo yotlhe e e borethe, le loleme lo lo buang dilo tsa boikgodiso;

⁵ bona ba ba reng: “Re thata ka diteme tsa rona, re na le melomo ya rona; mmusi yo o re laolang ke mang?”

⁶ Mme Morena a re: “Jaanong ke tla tsogela pogiso ya batlalelwi le phegelo ya batlhoki, ke thusa ene yo o lelelang thuso.”

⁷ Mafoko a Morena ke mafoko a a phepa, ke selefera e e itshekisitsweng mo leubelong e e tshologelang fa fatshe, e itshekisitswe gasupa.

⁸ Wena Morena, o re boloke, o re sireletse mo losikeng loo ka bosakhutleng.

⁹ Fa tshenyego e godile mo baneng ba batho, baikepi ba ikgantsha mo ntlheng tsotlhe.