Lipesalema 114 - Setswana 1970

Kgakgamatso ya pololo ya Baiseraele kwa Egepeto

¹ E rile Iseraele a huduga kwa Egepeto, le ba lapa la ga Jakobe mo morafeng wa puo e sele,

² Juta a nna felo ga boitshepo ga gagwe, le Iseraele ga puso ya gagwe.

³ Lewatle le bonye jalo, la tshaba; Joretane a boa ka morago.

⁴ Dithaba di ne tsa ja mokaragana jaaka diphelehu le makgabana jaaka dikwana.

⁵ Ke eng, wena lewatle, fa o tshaba, le wena Joretane, fa o kata ka morago?

⁶ Ke eng lona dithaba, fa lo ja mokaragana jaaka diphelehu, le lona makgabana, fa lo etsa dikwana?

⁷ Wena lefatshe, roroma fa pele ga Morena, fa pele ga Modimo wa ga Jakobe,

⁸ o o fetotseng lefika letsha la metsi le legakwa motswedi wa metsi.