Lipesalema 100 - Setswana 1970

Sefela sa tebogo

¹ Pesalome ya tebogo. Dudueletsang Morena, lona mafatshe otlhe.

² Direlang Morena ka boitumelo; tlayang fa pele ga sefatlhego sa gagwe ka tuduetso.

³ Lemogang gore Morena ke ena Modimo; ene o re dirile, mme re ba gagwe; re batho ba gagwe le dinku tse o di fudisang.

⁴ Tsenang ka dikgoro tsa gagwe ka tebogo le mo malapeng a gagwe ka pako. Mo lebogeng, lo bake leina la gagwe.

⁵ Gonne Morena o molemo; bopelontle jwa gagwe bo nnetse ruri le boikanyo jwa gagwe mo tshikatshikeng.