Lipesalema 1 - Setswana 1970

KAROLO YA NTLHA, DIPESALOME 1 – 41 Ditsela tse pedi

¹ Go sego monna yo o sa tsamaeng ka fa kgakololong ya baikepi, le e seng go gata mo tseleng ya baleofi, le e seng go nna mo mannong a basotli,

² mme a itumelela molao wa Morena, a akanya molao wa gagwe bosigo le motshegare.

³ O tshwana le setlhare se se tlhomilweng fa dinokaneng tsa metsi, se se ungwang leungo la sona mo motlheng wa sona, se matlhare a sona a sa swabeng, mme tsotlhe tse o di dirang o di swetsa ka lesego.

⁴ Baikepi ga ba a nna jalo; nnyaya, ba tshwana le moko o phefo e o gogolang.

⁵ Ka ntlha ya moo baikepi ga ba nke ba atlholelwa mo katlholong, le e seng baleofi mo phuthegong ya basiami.

⁶ Gonne Morena o itse tsela ya basiami, mme tsela ya baikepi e isa tshenyegong.