1 Litihalo 8 - Setswana 1970

Lotso lwa ga Benyamene

¹ Benyamene o ne a tsala Bela morwawe wa ntlha, wa bobedi e le Asebele, wa boraro e le Ahara;

² wa bone e le Noga, wa botlhano e le Rafa.

³ Bela o ne a na le bomorwa, e bong Atare le Gera rraagwe Ehute

⁴ le Abisua le Naamane le Ahoa

⁵ le Gera le Sefufane le Hurame.

⁶ Bomorwa Ehute ke ba: (bone e ne e le ditlhogo tsa dikgoro mo baaging ba Geba; ba ba hudusa ba ba isa kwa Manahathe),

⁷ mme e ne e le Naamane le Ahiya le Gera yo o neng a ba hudusa – ene a tsala Usa le Ahihute.

⁸ E rile Saharaime a sena go tlhala Hušime le Baara, basadi ba gagwe, a tsala bana kwa nageng ya Moabe

⁹ le Hotese mosadi wa gagwe; a tsala Jobabe le Sibja le Meša le Malekame

¹⁰ le Jeuse le Sageya le Mirema. Bao e ne e le bomorwawe, e le ditlhogo tsa dikgoro.

¹¹ O ne a tsetse Abitube le Elephaale le Hušime, mosadi wa pele.

¹² Bomorwa Elephaale e ne e le Ebere le Miseame le Semete. Ke ene yo o neng a aga Ono le Lote le metsana ya teng.

Ba lotso lwa ga Benyamene kwa Ayalone le Gathe

¹³ Beria le Sema bone e ne e le ditlhogo tsa dikgoro tsa baagi ba Ayalone; bone ba leleka baagi ba Gathe.

¹⁴ Mme Ayo le Sasake le Jeremothe

¹⁵ le Sebatya le Arate le Etere

¹⁶ le Migaele le Isepha le Joha e ne e le bomorwa Beria.

Ba lotso lwa ga Benyamene kwa Jerusalema

¹⁷ Mme Sebatya le Mesulame le Hisekhi le Hebere

¹⁸ le Isemarai le Isedia le Jobabe e ne e le bomorwa Elephaale.

¹⁹ Mme Jakime le Sigeri le Sabedi

²⁰ le Elienai le Silethai le Eliele

²¹ le Ataya le Beraya le Simerathe e ne e le bomorwa Simei.

²² Mme Išephane le Ebere le Eliele

²³ le Abetone le Sigeri le Hanane

²⁴ le Hananya le Elame le Anathothia

²⁵ le Efedia le Phenuele e ne e le bomorwa Sasake.

²⁶ Mme Sameserai le Seharia le Athalea

²⁷ le Jaaresia le Elia le Sigeri e ne e le bomorwa Jerohame.

²⁸ Bao e ne e le ditlhogo tsa dikgoro, e le ditlhogo tsa ditshika tsa bone; bao ba ne ba agile kwa Jerusalema.

Babenyamene kwa Gibeone le Jerusalema

²⁹ Mme kwa Gibeone go ne go agile Jehuele, rraagwe Gibeone; leina la mosadi wa gagwe e le Maaga.

³⁰ Morwawe wa ntlha e ne e le Abetone, bomonnawe e le Sure le Khiše le Baale le Nere le Natabe

³¹ le Ketore le Ayo le Segere le Mikelothe.

³² Mme Mikelothe a tsala Šimea. Bao le bone ba ne ba agile le ba ga bone kwa Jerusalema, ba lebaganye le ba ga bone ba ba kwa Gibeone.

Losika lwa ga Saule

³³ Mme Nere a tsala Abenere, Khiše a tsala Saule, Saule a tsala Jonathane le Malekhišua le Abinatabe le Esebaale.

³⁴ Mme morwa Jonathane e ne e le Meribaale; Meribaale a tsala Miga.

³⁵ Bomorwa Miga e ne e le Phithone le Melege le Tharea le Ahase.

³⁶ Mme Ahase a tsala Joata; Joata a tsala Alemethe le Asemawethe le Simeri. Mme Simeri a tsala Mosa.

³⁷ Mme Mosa a tsala Binea; morwawe e le Rafa, morwawe e le Eleasa, morwawe e le Asele.

³⁸ Asele o ne a na le bomorwa ba le barataro, maina a bone e le Aserikame le Bogeru le Isemaele le Searia le Obatya le Hanane; botlhe bao e le bomorwa Asele.

³⁹ Bomorwa Eseke, morwa-rraagwe, e ne e le Ulame morwawe wa ntlha, wa bobedi e le Jeuse, wa boraro e le Elifelete.

⁴⁰ Bomorwa Ulame e ne e le banna ba bagale, bahudi ba mara; ba na le bana le bana ba bana ba bantsi, e bong ba le 150. Botlhe bao e ne e le Babenyamene.