1 Litihalo 25 - Setswana 1970

Ditlhopha di le 24 tsa baletsi ba Tempele

¹ Dafita le balaodi ba mephato ba ne ba tlhaolela bomorwa Asafe le ba ga Hemane le ba ga Jeduthune tirelo-Modimo, e le ba ba rutang tsa Modimo ka go letsa dikwadi le diharepa le matlhao-a-mabogo; palo ya bone ya banna ba tirelo ya bone e leng tiro eo e ne e le e:

² Baopedi ba bomorwa Asafe e ne e le Sakhure le Josefa le Nethanya le Ašarela, ba okametswe ke Asafe yo o neng a ruta tsa Modimo ka difela ka taelo ya kgosi.

³ Ba bomorwa Jeduthune e ne e le Ketalea le Seri le Jesaya le Simei le Hasabja le Mathitya, ba barataro; ba okametswe ke Jeduthune rraabo yo o neng a letsa kwadi a na le Mowa wa Modimo, fa go lebogwa le go bakwa Morena.

⁴ Ba bomorwa Hemane e ne e le Bukhia le Mathanya le Usiele le Sebuele le Jerimothe le Hananya le Hanani le Eliatha le Gitalethi le Romamethi-Esere le Josebekasa le Malothi le Hothire le Mahasiothe.

⁵ Botlhe bao e ne e le bomorwa Hemane mosedisetsi wa kgosi. Modimo o ne o neile Hemane bomorwa ba le 14 le bomorwadi ba le bararo gore ba tle ba godise thata ya yona ka fa ditsholofetsong tsa Modimo.

⁶ Botlhe bao ba ne ba okametswe ke rraabo, e bong Hemane mo dikopelong tsa Ntlo ya Morena, ba letsa matlhao-a-mabogo le diharepa le dikwadi mo tirelong-Modimo mo Ntlong ya Modimo jaaka kgosi e laetse Asafe le Jeduthune le Hemane.

⁷ Palo ya bone mmogo le ba ga bone ba ba rutilweng kopelo tsa Morena sentle, ba e leng ditswerere botlhe e ne e le 288.

⁸ Mme ba tlhama ditengwa go rulaganya tirelo, yo mmotlana fela jaaka yo mogolo, motlhaloganyi fela jaaka moithuti.

⁹ Tengwa ya ntlha ya wela Asafe, e bong morwawe Josefa; ya bobedi ya wela Ketalea ene le bomorwa-rraagwe le bomorwawe, ba le 12 mmogo.

¹⁰ Ya boraro ya wela Sakhure le bomorwawe le bomorwa-rraagwe, ba le 12.

¹¹ Ya bone ya wela Iseri le bomorwawe le bomorwa-rraagwe, ba le 12.

¹² Ya botlhano ya wela Nethanya le bomorwawe le bomorwa-rraagwe, ba le 12.

¹³ Ya borataro ya wela Bukhia le bomorwawe le bomorwa-rraagwe, ba le 12.

¹⁴ Ya bosupa ya wela Jesarela le bomorwawe le bomorwa-rraagwe, ba le 12.

¹⁵ Ya robedi ya wela Jesaya le bomorwawe le bomorwa-rraagwe, ba le 12.

¹⁶ Ya robongwe ya wela Mathanya le bomorwawe le bomorwa-rraagwe, ba le 12.

¹⁷ Ya some ya wela Simei le bomorwawe le bomorwa-rraagwe, ba le 12.

¹⁸ Ya 11 ya wela Asarele le bomorwawe le bomorwa-rraagwe, ba le 12.

¹⁹ Ya 12 ya wela Hasabja le bomorwawe le bomorwa-rraagwe, ba le 12.

²⁰ Ya 13 ya wela Subaele le bomorwawe le bomorwa-rraagwe, ba le 12.

²¹ Ya 14 ya wela Mathitya le bomorwawe le bomorwa-rraagwe, ba le 12.

²² Ya 15 ya wela Jeremothe le bomorwawe le bomorwa-rraagwe, ba le 12.

²³ Ya 16 ya wela Hananya le bomorwawe le bomorwa-rraagwe, ba le 12.

²⁴ Ya 17 ya wela Josebekasa le bomorwawe le bomorwa-rraagwe, ba le 12.

²⁵ Ya 18 ya wela Hanani le bomorwawe le bomorwa-rraagwe, ba le 12.

²⁶ Ya 19 ya wela Malothi le bomorwawe le bomorwa-rraagwe, ba le 12.

²⁷ Ya 20 ya wela Eliatha le bomorwawe le bomorwa-rraagwe, ba le 12.

²⁸ Ya 21 ya wela Hothire le bomorwawe le bomorwa-rraagwe, ba le 12.

²⁹ Ya 22 ya wela Gitalethi le bomorwawe le bomorwa-rraagwe, ba le 12.

³⁰ Ya 23 ya wela Mahasiothe le bomorwawe le bomorwa-rraagwe, ba le 12.

³¹ Ya 24 ya wela Romamethi-Esere le bomorwawe le bomorwa-rraagwe, ba le 12.