Lipesalema 70 - BAEBELE e e Boitshepo

Thapelo ya kgololo

Pesalema ya ga Dafite, ya go gopodisa. Ya moopedi yo mogolo.

¹ Akofa, Modimo, o nkgolole; a ko o akofele go nthusa, Jehofa.

² Ba ba tsomang mowa wa me a ba tlhajwe ke ditlhong, ba tseanngwe; ba ba itumelang fa ke utlwa botlhoko a ba busediwe kwa morago ba tlhokisiwe tlotlo.

³ Bone ba ba reng: “Ahe! Ahe!” A ba busediwe kwa morago ka ntlha ya ditlhong tsa bone.

⁴ Botlhe ba ba go batlang a ba itumele, ba ipele mo go wena; a ba ba ratang poloka ya gago ba nne ba bue ka gale, ba re: “A Modimo o golediwe.”

⁵ Mme nna ke humanegile, ke a tlhoka; a ko o nkakofele, Modimo; wena o thuso ya me, le mogolodi wa me; Jehofa, o se ka wa diega gope.