Lipesalema 1 - BAEBELE e e Boitshepo

KGAOGANO 1 (DIPESALEMA 1 – 41) Go sego basiami

¹ Go sego monna yo o sa tsamayeng mo kgakololong ya baikepi, le fa e le go ema mo tseleng ya baleofi, le fa e le go dula mo setulong sa basotli.

² Go itumela ga gagwe go mo molaong wa ga Jehofa; mme o akanya mo molaong wa gagwe motshegare le bosigo.

³ O tlaa nna jaaka setlhare se se tlhomilweng mo dinokaneng tsa metsi, se se ungwang loungo lwa sone mo motlheng wa sone, se lekakaba la sone le lone le se keng le swaba; mme le fa e le eng se o se dirang se tlaa segofala.

⁴ Baikepi ga ba a nna jalo; ba tshwana jaaka mmoko o phefo e o kgopholang.

⁵ Ke gone ka mo baikepi ba se ketlang ba ema mo katlholong, le fa e le baleofi mo phuthegong ya basiami.

⁶ Gonne Jehofa o itse tsela ya basiami; mme tsela ya baikepi e tlaa nyelela.