Matthieu 1 - New Testament in Mitsogo

Bôkudu aJésus‐Christ (Bono na )

¹ Oô te bôkudue aJésus‐Christ ebôtee éedi. Jésus‐Christ to muana aDavid. Na David dôta te muana aAbraham.

² Abraham amabôta Isaac. Isaac amabôta Jacob. Jacob amabôta Juda n’avo anamôgôô.

³ Juda na môgayedi Thamar amabôta Phares na Zara. Phares amabôta Esrom. Esrom amabôta Aram.

⁴ Aram amabôta Aminadab. Aminadab amabôta Naasson. Naasson amabôta Salmon.

⁵ Salmon na môgayedi Rahab amabôta Boaz. Boaz na môgayedi Ruth amabôta Obed. Obed amabôta Isaï.

⁶ Isaï amabôta David, angô amabaka môtômi môvôni. David amabaa môgaya aUrie, na amabôta Salomon.

⁷ Salomon amabôta Roboam. Roboam amabôta Abia. Abia amabôta Asaph.

⁸ Asaph amabôta Josaphat. Josaphat amabôta Joram. Joram amabôta Ozias.

⁹ Ozias amabôta Joatham. Joatham amabôta Achaz. Achaz amabôta Ezéchias.

¹⁰ Ezéchias amabôta Manassé. Manassé amabôta Amon. Amon amabôta Josia.

¹¹ Josias amabôta Jéchonias n’avo anamôgôô gô ndeô ématsôpu éongo éaIsraël n’adudeoe waô. Adudeoe amakea n’asi Idraël na gô Babylone.

¹² Te vane, gô Babylone, Jéchonias amabôta Salathiel. Salathiel amabôta Zorobabel.

¹³ Zorobabel amabôta Abuid. Abuid amabôta Eliakim. Eliakim amabôta Azor.

¹⁴ Azor amabôta Sadok. Sadok amabôta Achim. Achim amabôta Eliud.

¹⁵ Eliud amabôta Eléazar. Eléazar amabôta Matthan. Matthan amabôta Jacob.

¹⁶ Jacob amabôta Joseph. Joseph amabaka môméne aMarie. Marie amabôta Jésus, ône atetuku mbe Christ, événdégéô mbe One amasevôu na Nzambé.

¹⁷ Bandôa n’Abraham ngu na David, gômabaka nzima ambumu na mbumu dinayi. Bandôa na David ngu na vamabongu asi Israël na gô Babylone, gômabaka nzima ambumu na mbumu dinayi. Bandôa vamabongu asi Israël na gô Babylone ngu na vamabôtu Christ gômabaka nzima ambumu na mbumu dinayi.

Obôtu aJésus‐Christ (Bono na )

¹⁸ Nôeni gamabôtu Jésus‐Christ. Yeedi Marie amateteduku na Joseph mbe: Nangamôbaa. Angô amabaka madeo asigésangana, Marie amatsua émé gô ngudi yaGédidi SaNzambé.

¹⁹ Joseph, ône angaba mômiedi, amabaka môma amôsôba. Asinyôngéô étubêda Marie tsoyi gôémôkina v’ekanga. Te vane, amatasa gôénzeegeda angô v’esooe.

²⁰ Vamatasangô nane, ameena môsi g’ôba amavigédu na Nzambé na gôndé angô gô ndoti. Amavovo n’edi mbe: Joseph éwe môsi ébota éaDavid. Ombieena panda gôébaa ône amateteda éwe, Marie, tsangô mbe andé n’emé. Amatsua émee éne te gô ngudi yaGédidi SaNzambé.

²¹ Angabôta muanamômôgôô, n’ewe ômôôga te mbe Jésus. Te angô angooboo omedi gô ébévee éaô.

²² Mabégô mema te gamavovo môpandoédi amatasa maKumu Nzambé. Va mbeego amavovo mbe:

²³ Tômbô madeo asigésangana na mômôgôô angatsua émé. Angabôta muanamômôgôô. Angamôôga mbe Emmanuel. (Evéndégéô mbe Nzambé andé n’asô n’anyô.)

²⁴ Vamatimôga Joseph ameenda éne ématômu angô na môsi g’ôba. Amabaa Marie.

²⁵ Ivô asigésé n’edi môakô ngu na vamabôtangô muanee amômôgôô. Joseph amamôôga mbe Jésus.