Hébreux 5 - New Testament in Mitsogo

¹ Pene adeekedi adigondoku muetso te ane amasevou va gatse oma gôéyanzéa Nzambé gôésungéa oma. Adeekeda dibiia na digondoku gôéoboo oma gô ébévee éaô.

² Amuene môdeekedine te môma oombuéa agô môtéma gandé akedi. T’ebandô ookô na vede mane madagéô akedi vayanzahngô mabégô mabévani. Oôkô dôta gôndé ane andé g’ôdungé.

³ Gandé môdeekedine amuene n’ombuéa gô môtéma, angadeekeda digondoku kaka gôndé akedi atévo, ivô te na gô mabégô medi mabévani mamuene.

⁴ Gôsaba môma angatomo amuene gôéba môsungéyi. Môma akoga môsungéyi te vaabéa angô mbeeane éaNzambé. Aaron amabambéôkô na Nzambé te nane.

⁵ Gôndé Christ émabaka te mônongovo. Asitômé amuene mbe: Nangaba môdeekedi adigondoku môsungéyi va gatse oma na Nzambé. Menyani mbe te amuene Nzambé amamôsevoa vamavovo angô mbe: Ewe te Muanami Deo noo naka Tétoo.

⁶ Na gô épo ndéô Nzambé amavovo n’edi mbe: Ewe ôngaba môdeekedi adigondoku môsungéyi akinde oma môbô na môbô, Mônogovo gamabandôa Melchisédek.

⁷ Jésus, gô pitsi dimadigaangô va tsina, amavovo na Nzambé na miduké na mindônga na keba. Amaduka Nzambé ône amabaka na ngudi gôémôkuséda g’ôwa. Nzambé amookô môduké aJésus gômasugéda angô amuene gôégobeda Nzambé.

⁸ Buéyé mbe gamabakangô Muana ANzambé, ameekaganô gôégobeda Nzambé gô maguga metso mameenangô.

⁹ Vane vamanangô ésipa, ti v’ekôdéô éasipaga, amakoga aka ébandô éagébogeo samôbô na môbô, gôndé muetso amôgobedani.

¹⁰ Vane Nzambé amasongéda angô mbe: Ewe te môdeekedi adigondoku, môsungéyi akinde oma môbô na môbô. Mônongovo gamabaka Melchisédek.

Bakani n’ekena kabaga nônôtôga gô mane mapie

¹¹ We tônôtendani, tôndéké na ndongi diyekani gôénôongô gôébégô éamôsungéyi asô n’anyô, ivô édaga gôénônigôa metso gôébégô anye nôsaba na matô gôéôkô na mitéma gôéditéga.

¹² G’edingéa anye go mabégô mema nôndé ngu goeekéda akanyô. Géé anye, nôgébutaka éékédu. ?Tambô anye madeo nôsinigéô mabégôme mamapanga maNzambé mameekédu anye‐a? Anye nôsoongôa éaa môyakô ôodôni. Nônyôngéô te ényua ôbuba.

¹³ One anyua ôbuba te muana av’ebene. Asamenya éne éngeendangô gôésevoa mane mamisôba na mane mabévani.

¹⁴ One aa môyakô ôodôni te ône asabadô muanéngé na ameekeganô gôésevoa mane mamisôba na mane mabévani.