Gétsutsuéô 4 - New Testament in Mitsogo

Géneega géndé g’ôba

¹ Oô te me Jean navovoni. Nanigôa na mavo mabégô mamatubédu me na Nzambé te nandé nani gébé gô vio. Nameena ôkuké ag’ôba ômakukuuni. Namoomba éôkô ôgie ômatongo ga gémbômba te ône ômookô me v’ebandô. Angô mbe: Bata n’eva. Nangagôtubéda mane mangabuéani va mbene éene.

² Tsina na tsina Gédidi SaNzambé gémeengéa pepe na gôndé me, Jean. Nameena gô ngongo gône gédigaa sôkumaka. Gô gédigaage géne gômabaka sôma géndé ga môma digaa.

³ Gédimô sedi gémakadima n’obébayi gandé mataé moosunu ôvôni matetu mbe jaspe na sardoine. Gédigaa sokumaka gémasetedu na nungu. Nungune émabaka n’obébayi gandé étaé éosunu ôvôni ééndô mbe émeraude.

⁴ Va kôbangô agédigaage géne gômabaka nzima dibaé yeedigaa éokumaka na édigee énayi. Gô éangô gômabaka digaa nzima dibaé yapayi na payi dinayi. Ahmaata mikanda miavembo na gô miôtsé miaô amaata épôkôdô éokumaka émakônzu na dodo.

⁵ Gô gédigage gévôni gômakusa mikadikadi na nzongodi na gômaduméda môdumu. Va mbene agédigaage gômabaka kôa tsambué yayiyô dimayôakani. Yangô te édidi tsambué éaNzambé.

⁶ Va mbene agédigaage dôta vamabaka mubu ôndé na vede ga géeno. Gô kôbangô agédigaage bambana na gésa na gésa gômabaka éôma énayi évégumani, yôtôye yaô yetso te miso matévo na gô ngima na gô mbene.

⁷ Géne samapanga, ôtôe edi ômagono na gémbungu. Géne samôbaé, ôtôe te gandé muana anyama étetu mbe vache. Géne samôtatô gédimôge sedi gémabaka ga samôma. Géne samônayi gémagono na mbééa épepani.

⁸ Eômee énayi éne évégumani émabaka éetso na papa môtôba môtôba. Na yôtô yaô yetso te miso matévo na gô gatse na va ngongo. Eangô ésigogeke étôa émbô na pitsi n’omanda. Ematôa mbe: Amatsimamani. Amatsimamani. Amatsimamani. Te angô Nzambé Amôbô na Môbô, Kumu angudi yetso. Te ône amabakani na andékéni, na angavigani.

⁹ Eômee énayi évégumani édué ématôa gôéneegeda na gôékuméda na gôétsôkéa ône andé digaa gô gédigaa sokumaka. Te ône andé monyo môbô na môbô.

¹⁰ Kuka yetso vamatôa éangô, peeye nzima dibaé na payi dinayi dimasiba mabongo maô va mbene one andé digaa gô gédigaa sokumaka. Na dimaneegeda ône andé monyo môbô na môbô. Dimagudua épôkôdôe éaô éokumaka gôévumba éangô ga ôgondoku va mbene agédigaage sokumaka. Dimeemba mbe:

¹¹ Ah Kumu asô. Ah Nzambé asô. Ondé kuanakue gôéétsô géneega setso, n’okumakee wetso na ngudi yetso. Te éwe ômavanga éetso. Eetso émavangôni na éetso édôngani na éndé na monyo te gamanyôngéô éwe mbe ébaké te nane.