Tinhlayo 7 - BIBELE Mahungu Lamanene

Ta mihlengo ya varhangeri va Israele

¹ Siku leri Muxe a heteke ku yimisa Ntsonga ha rona, ú wu totile mafurha, a wu hlawulekisa ni swingolongondzwana swa wona hinkwaswo, a tota ni alitari, a yi hlawulekisa ni swingolongondzwana swa yona hinkwaswo.

² Varhangeri va tinyimba ta Vaisraele, lava a va ri tinhloko ta mindyangu ya vona ni vafambisi va vanhu lava hlayiweke,

³ va humesa mihlengo, va ya na yona emahlweni ka HOSI Xikwembu (Va tisile tigolonyi ta 6 leti funengetiweke ehenhla, ni tihavi ta 12; varhangeri vambirhi va tile ni golonyi yin'we ni tihavi timbirhi; murhangeri un'wana ni un'wana a a ri ni havi ya yena). Va fika va yimisa swilo leswi emahlweni ka Ntsonga,

⁴ kutani HOSI Xikwembu xi ku ka Muxe:

⁵ “Amukela mihlengo ya vanhu lava, leswaku yi ta tirhisiwa entirhweni wa Ntsonga lowo Hlawuleka. Swilo leswi, ú ta swi nyika Valevhi; un'wana ni un'wana wa vona ú ta kuma leswi yelanaka ni ntirho wa yena.”

⁶ Kutani Muxe a teka tigolonyi ni tihavi ta kona, a nyika Valevhi.

⁷ A teka tigolonyi timbirhi ni tihavi ta mune, a nyika va ka Gerixoni, hi ku ya hi ntirho wa vona.

⁸ A nyika va ka Merari tigolonyi ta mune ni tihavi ta 8, hi ku ya hi ntirho wa vona, va ri ehansi ka Itamara n'wana muprista Aroni.

⁹ Kambe va ka Kohata a nga va nyikanga nchumu, hikuva vona a va nyikiwile ntirho wa ku hlayisa swilo leswo hlawuleka, leswi a swi rhwariwa hi makatla.

¹⁰ Siku leri alitari yi totiweke mafurha ha rona, varhangeri va humesa mihlengo ya vona ya ku khangula alitari, va yi veka emahlweni ka yona.

¹¹ Kutani HOSI Xikwembu xi ku ka Muxe: “Loko varhangeri va humesa mihlengo ya vona yo khangula alitari, va ta yi humesa hi ku landzelelana, un'wana ni un'wana a va ni siku ra yena.”

¹² Nahaxoni n'wana Aminadaba wa nyimba ya ka Yuda, hi yena loyi a nga humesa nhlengo hi siku ro sungula.

¹³ Nhlengo wa yena a wu ri lowu: Ndyelo ya silivhere yo tika 1,56 kg, ni xihiso xa silivhere xo tika 840 g, hi ku ya hi ntiko wa lexi ku pimiwaka ha xona lexi hlayisiwaka exivandleni lexo hlawuleka, haswimbirhi ka swona swi tele hi mapa lamanene ya gandzelo lama pfanganyisiweke ni mafurha;

¹⁴ ni xinkambana xa nsuku xo tika 120 g, xi tele hi mirhi ya risuna;

¹⁵ ni xinkuzana, ni khuna, ni xinyimpfana xa khuna xa lembe rin'we, swi ri swa gandzelo leri hisiwaka;

¹⁶ ni xiphongho xa mhamba yo susa swidyoho;

¹⁷ ni tihavi timbirhi, ni makhuna ya ntlhanu, ni swiphongho swa ntlhanu, ni swinyimpfana swa ntlhanu swa makhuna swa lembe rin'we, swi ri swa gandzelo ra xinakulobye. Lowu hi wona nhlengo wa Nahaxoni n'wana Aminadaba.

¹⁸ Netanele n'wana Suwara, murhangeri wa va ka Isakara, ú humesile nhlengo wa yena hi siku ra vumbirhi,

¹⁹ a humesa leswi: Ndyelo ya silivhere yo tika 1,56 kg, ni xihiso xa silivhere xo tika 840 g, hi ku ya hi ntiko wa lexi ku pimiwaka ha xona, lexi hlayisiwaka exivandleni lexo hlawuleka, haswimbirhi ka swona swi tele hi mapa lamanene ya gandzelo lama pfanganyisiweke ni mafurha;

²⁰ ni xinkambana xa nsuku xo tika 120 g, xi tele hi mirhi ya risuna;

²¹ ni xinkuzana, ni khuna, ni xinyimpfana xa khuna xa lembe rin'we, swi ri swa gandzelo leri hisiwaka;

²² ni xiphongho xa mhamba yo susa swidyoho;

²³ ni tihavi timbirhi, ni makhuna ya ntlhanu, ni swiphongho swa ntlhanu, ni swinyimpfana swa ntlhanu swa makhuna swa lembe rin'we, swi ri swa gandzelo ra xinakulobye. Lowu hi wona nhlengo wa Netanele n'wana Suwara.

²⁴ Eliyabu n'wana Heloni, murhangeri wa va ka Zebuloni, ú humesile nhlengo hi siku ra vunharhu.

²⁵ Nhlengo wa kona a wu ri lowu: Ndyelo ya silivhere yo tika 1,56 kg, ni xihiso xa silivhere xo tika 840 g, hi ku ya hi ntiko wa lexi ku pimiwaka ha xona, lexi hlayisiwaka exivandleni lexo hlawuleka, haswimbirhi ka swona swi tele hi mapa lamanene lama pfanganyisiweke ni mafurha;

²⁶ ni xinkambana xa nsuku xo tika 120 g, xi tele hi mirhi ya risuna;

²⁷ ni xinkuzana, ni khuna, ni xinyimpfana xa khuna xa lembe rin'we, swi ri swa gandzelo leri hisiwaka;

²⁸ ni xiphongho xa mhamba yo susa swidyoho;

²⁹ ni tihavi timbirhi, ni makhuna ya ntlhanu, ni swiphongho swa ntlhanu, ni swinyimpfana swa ntlhanu swa makhuna swa lembe rin'we, swi ri swa gandzelo ra xinakulobye. Lowu hi wona nhlengo wa Eliyabu n'wana Heloni.

³⁰ Elizuri n'wana Xedewuru, murhangeri wa va ka Rhuveni, ú humesile nhlengo hi siku ra vumune.

³¹ Nhlengo wa kona a wu ri lowu: Ndyelo ya silivhere yo tika 1,56 kg, ni xihiso xa silivhere xo tika 840 g, hi ku ya hi ntiko wa lexi ku pimiwaka ha xona, lexi hlayisiwaka exivandleni lexo hlawuleka, haswimbirhi ka swona swi tele hi mapa lamanene ya gandzelo lama pfanganyisiweke ni mafurha;

³² ni xinkambana xa nsuku xo tika 120 g, xi tele hi mirhi ya risuna;

³³ ni xinkuzana, ni khuna, ni xinyimpfana xa khuna xa lembe rin'we, swi ri swa gandzelo leri hisiwaka;

³⁴ ni xiphongho xa mhamba yo susa swidyoho;

³⁵ ni tihavi timbirhi, ni makhuna ya ntlhanu, ni swiphongho swa ntlhanu, ni swinyimpfana swa ntlhanu swa makhuna swa lembe rin'we, swi ri swa gandzelo ra xinakulobye. Lowu hi wona nhlengo wa Elizuri n'wana Xedewuru.

³⁶ Xelumiele n'wana Suri-Xadayi, murhangeri wa va ka Simiyoni, ú humesile nhlengo hi siku ra vuntlhanu.

³⁷ Nhlengo wa kona a wu ri lowu: Ndyelo ya silivhere yo tika 1,56 kg, ni xihiso xa silivhere xo tika 840 g, hi ku ya hi ntiko wa lexi ku pimiwaka ha xona, lexi hlayisiwaka exivandleni lexo hlawuleka, haswimbirhi ka swona swi tele hi mapa lamanene ya gandzelo lama pfanganyisiweke ni mafurha;

³⁸ ni xinkambana xa nsuku xo tika 120 g, xi tele hi mirhi ya risuna;

³⁹ ni xinkuzana, ni khuna, ni xinyimpfana xa khuna xa lembe rin'we, swi ri swa gandzelo leri hisiwaka;

⁴⁰ ni xiphongho xa mhamba yo susa swidyoho;

⁴¹ ni tihavi timbirhi, ni makhuna ya ntlhanu, ni swiphongho swa ntlhanu, ni swinyimpfana swa ntlhanu swa makhuna swa lembe rin'we, swi ri swa gandzelo ra xinakulobye. Lowu hi wona nhlengo wa Xelumiele n'wana Suri-Xadayi.

⁴² Eliyasafa n'wana Duwele, murhangeri wa va ka Gadi, ú humesile nhlengo hi siku ra vu-6.

⁴³ Nhlengo wa kona a wu ri lowu: Ndyelo ya silivhere yo tika 1,56 kg, ni xihiso xa silivhere xo tika 840 g, hi ku ya hi ntiko wa lexi ku pimiwaka ha xona, lexi hlayisiwaka exivandleni lexo hlawuleka, haswimbirhi ka swona swi tele hi mapa lamanene ya gandzelo lama pfanganyisiweke ni mafurha;

⁴⁴ ni xinkambana xa nsuku xo tika 120 g, xi tele hi mirhi ya risuna;

⁴⁵ ni xinkuzana, ni khuna, ni xinyimpfana xa khuna xa lembe rin'we, swi ri swa gandzelo leri hisiwaka;

⁴⁶ ni xiphongho xa mhamba yo susa swidyoho;

⁴⁷ ni tihavi timbirhi, ni makhuna ya ntlhanu, ni swiphongho swa ntlhanu, ni swinyimpfana swa ntlhanu swa makhuna swa lembe rin'we, swi ri swa gandzelo ra xinakulobye. Lowu hi wona nhlengo wa Eliyasafa n'wana Duwele.

⁴⁸ Elixama n'wana Amihudi, murhangeri wa va ka Efrayimi, ú humesile nhlengo hi siku ra vu-7.

⁴⁹ Nhlengo wa kona a wu ri lowu: Ndyelo ya silivhere yo tika 1,56 kg, ni xihiso xa silivhere xo tika 840 g, hi ku ya hi ntiko wa lexi ku pimiwaka ha xona, lexi hlayisiwaka exivandleni lexo hlawuleka, haswimbirhi ka swona swi tele hi mapa lamanene ya gandzelo lama pfanganyisiweke ni mafurha;

⁵⁰ ni xinkambana xa nsuku xo tika 120 g, xi tele hi mirhi ya risuna;

⁵¹ ni xinkuzana, ni khuna, ni xinyimpfana xa khuna xa lembe rin'we, swi ri swa gandzelo leri hisiwaka;

⁵² ni xiphongho xa mhamba yo susa swidyoho;

⁵³ ni tihavi timbirhi, ni makhuna ya ntlhanu, ni swiphongho swa ntlhanu, ni swinyimpfana swa ntlhanu swa makhuna swa lembe rin'we, swi ri swa gandzelo ra xinakulobye. Lowu hi wona nhlengo wa Elixama n'wana Amihudi.

⁵⁴ Gamaliele n'wana Pedasuru, murhangeri wa va ka Manase, ú humesile nhlengo hi siku ra vu-8.

⁵⁵ Nhlengo wa kona a wu ri lowu: Ndyelo ya silivhere yo tika 1,56 kg, ni xihiso xa silivhere xo tika 840 g, hi ku ya hi ntiko wa lexi ku pimiwaka ha xona, lexi hlayisiwaka exivandleni lexo hlawuleka, haswimbirhi ka swona swi tele hi mapa lamanene ya gandzelo lama pfanganyisiweke ni mafurha;

⁵⁶ ni xinkambana xa nsuku xo tika 120 g, xi tele hi mirhi ya risuna;

⁵⁷ ni xinkuzana, ni khuna, ni xinyimpfana xa khuna xa lembe rin'we, swi ri swa gandzelo leri hisiwaka;

⁵⁸ ni xiphongho xa mhamba yo susa swidyoho;

⁵⁹ ni tihavi timbirhi, ni makhuna ya ntlhanu, ni swiphongho swa ntlhanu, ni swinyimpfana swa ntlhanu swa makhuna swa lembe rin'we, swi ri swa gandzelo ra xinakulobye. Lowu hi wona nhlengo wa Gamaliele n'wana Pedasuru.

⁶⁰ Abidana n'wana Gidiyoni, murhangeri wa va ka Benjamini, ú humesile nhlengo hi siku ra vu-9.

⁶¹ Nhlengo wa kona a wu ri lowu: Ndyelo ya silivhere yo tika 1,56 kg, ni xihiso xa silivhere xo tika 840 g, hi ku ya hi ntiko wa lexi ku pimiwaka ha xona, lexi hlayisiwaka exivandleni lexo hlawuleka, haswimbirhi ka swona swi tele hi mapa lamanene ya gandzelo lama pfanganyisiweke ni mafurha;

⁶² ni xinkambana xa nsuku xo tika 120 g, xi tele hi mirhi ya risuna;

⁶³ ni xinkuzana, ni khuna, ni xinyimpfana xa khuna xa lembe rin'we, swi ri swa gandzelo leri hisiwaka;

⁶⁴ ni xiphongho xa mhamba yo susa swidyoho;

⁶⁵ ni tihavi timbirhi, ni makhuna ya ntlhanu, ni swiphongho swa ntlhanu, ni swinyimpfana swa ntlhanu swa makhuna swa lembe rin'we, swi ri swa gandzelo ra xinakulobye. Lowu hi wona nhlengo wa Abidana n'wana Gidiyoni.

⁶⁶ Ahiezere n'wana Amixadayi, murhangeri wa va ka Dani, ú humesile nhlengo hi siku ra vukhume.

⁶⁷ Nhlengo wa kona a wu ri lowu: Ndyelo ya silivhere yo tika 1,56 kg, ni xihiso xa silivhere xo tika 840 g, hi ku ya hi ntiko wa lexi ku pimiwaka ha xona, lexi hlayisiwaka exivandleni lexo hlawuleka, haswimbirhi ka swona swi tele hi mapa lamanene ya gandzelo lama pfanganyisiweke ni mafurha;

⁶⁸ ni xinkambana xa nsuku xo tika 120 g, xi tele hi mirhi ya risuna;

⁶⁹ ni xinkuzana, ni khuna, ni xinyimpfana xa khuna xa lembe rin'we, swi ri swa gandzelo leri hisiwaka;

⁷⁰ ni xiphongho xa mhamba yo susa swidyoho;

⁷¹ ni tihavi timbirhi, ni makhuna ya ntlhanu, ni swiphongho swa ntlhanu, ni swinyimpfana swa ntlhanu swa makhuna swa lembe rin'we, swi ri swa gandzelo ra xinakulobye. Lowu hi wona nhlengo wa Ahiezere n'wana Amixadayi.

⁷² Pagiele n'wana Okirani, murhangeri wa va ka Asere, ú humesile nhlengo hi siku ra vu-11.

⁷³ Nhlengo wa kona a wu ri lowu: Ndyelo ya silivhere yo tika 1,56 kg, ni xihiso xa silivhere xo tika 840 g, hi ku ya hi ntiko wa lexi ku pimiwaka ha xona, lexi hlayisiwaka exivandleni lexo hlawuleka, haswimbirhi ka swona swi tele hi mapa lamanene ya gandzelo lama pfanganyisiweke ni mafurha;

⁷⁴ ni xinkambana xa nsuku xo tika 120 g, xi tele hi mirhi ya risuna;

⁷⁵ ni xinkuzana, ni khuna, ni xinyimpfana xa khuna xa lembe rin'we, swi ri swa gandzelo leri hisiwaka;

⁷⁶ ni xiphongho xa mhamba yo susa swidyoho;

⁷⁷ ni tihavi timbirhi, ni makhuna ya ntlhanu, ni swiphongho swa ntlhanu, ni swinyimpfana swa ntlhanu swa makhuna swa lembe rin'we, swi ri swa gandzelo ra xinakulobye. Lowu hi wona nhlengo wa Pagiele n'wana Okirani.

⁷⁸ Ahira n'wana Enana, murhangeri wa va ka Neftali, ú humesile nhlengo hi siku ra vu-12.

⁷⁹ Nhlengo wa kona a wu ri lowu: Ndyelo ya silivhere yo tika 1,56 kg, ni xihiso xa silivhere xo tika 840 g, hi ku ya hi ntiko wa lexi ku pimiwaka ha xona, lexi hlayisiwaka exivandleni lexo hlawuleka, haswimbirhi ka swona swi tele hi mapa lamanene ya gandzelo lama pfanganyisiweke ni mafurha;

⁸⁰ ni xinkambana xa nsuku xo tika 120 g, xi tele hi mirhi ya risuna;

⁸¹ ni xinkuzana, ni khuna, ni xinyimpfana xa khuna xa lembe rin'we, swi ri swa gandzelo leri hisiwaka;

⁸² ni xiphongho xa mhamba yo susa swidyoho;

⁸³ ni tihavi timbirhi, ni makhuna ya ntlhanu, ni swiphongho swa ntlhanu, ni swinyimpfana swa ntlhanu swa makhuna swa lembe rin'we, swi ri swa gandzelo ra xinakulobye. Lowu hi wona nhlengo wa Ahira n'wana Enana.

⁸⁴ Mihlengo hinkwayo ya ku khangula alitari, leyi humesiweke hi varhangeri va Vaisraele, siku alitari yi totiweke mafurha ha rona, hi leyi: Tindyelo ta 12 ta silivhere, ni swihiso swa 12 swa silivhere, ni swinkambana swa 12 swa nsuku;

⁸⁵ ndyelo yin'wana ni yin'wana ya silivhere a yi tika 1,56 kg, xihiso xona a xi tika 840 g, kutani silivhere hinkwayo leyi va vumbeke swibya leswi ha yona a yi tika 29 kg, hi ku ya hi ntiko wa lexi ku pimiwaka ha xona, lexi hlayisiwaka exivandleni lexo hlawuleka;

⁸⁶ xin'wana ni xin'wana xa swinkambana leswa 12 swa nsuku leswi taleke hi mirhi ya risuna, a xi tika 120 g, hi ku ya hi ntiko wa lexi ku pimiwaka ha xona, lexi hlayisiwaka exivandleni lexo hlawuleka; kutani nsuku hinkwawo lowu va vumbeke swinkambana leswi ha wona a wu tika 1,44 kg;

⁸⁷ swifuwo hinkwaswo swa gandzelo leri hisiwaka, a swi ri swinkuzana swa 12, ni makhuna ya 12, ni swinyimpfana swa 12 swa makhuna swa lembe rin'we, ni mapa ya swona ya gandzelo; a ku ri ni swiphongho swa 12 swa mhamba yo susa swidyoho;

⁸⁸ swifuwo hinkwaswo swo humesa ha swona gandzelo ra xinakulobye, a ti ri tihavi ta 24, ni makhuna ya 60, ni swiphongho swa 60, ni swinyimpfana swa 60 swa makhuna swa lembe rin'we. Leyi hi yona mihlengo yo khangula alitari leyi humesiweke loko alitari yi totiwile mafurha.

⁸⁹ Loko Muxe a ya nghena eka Ntsonga lowo Hlawuleka ku ya vulavula na HOSI Xikwembu, a twa HOSI Xikwembu xi vulavula na yena, rito ra xona ri huma exikarhi ka Areka ya Ntwanano; kutani na yena a a vulavula na xona.