Pisalema 70 - BIBELE Mahungu Lamanene

Hatlisa u ta ndzi pfuna we HOSI!

Risimu ra Muyimbelerisi. Pisalema ya Davhida, ya ku kombela ku tsundzukiwa hi Xikwembu.

¹ We Xikwembu ndzi lamulele, hatlisa u ta ndzi pfuna we HOSI.

² Lava ringetaka ku ndzi dlaya, va nyumise u va khomisa tingana; lava tsakaka loko ndzi ri ekhombyeni, va tlherise u va tsongahata.

³ Lava sandzaka va ku: “Aháà! Aháà!” a va tlheriseriwe ndzhaku va khomiwa hi tingana.

⁴ Hinkwavo lava taka eka wena, va tate hi ntsako; lava tsakelaka ntirho wa wena wa ku ponisa, a va hambe va ku: “Xikwembu i xikulukumba.”

⁵ Ndzi xisiwana, ndzi pfumala swa le mandleni: We Xikwembu, hatlisa u ta ka mina. We HOSI, u mupfuni ni muponisi wa mina, hatlisa u ta ndzi pfuna.