Pisalema 23 - BIBELE Mahungu Lamanene

Xikwembu i murisi wa hina

Pisalema ya Davhida.

¹ We HOSI, u murisi wanga, ndzi nga ka ndzi nga pfumali nchumu.

² U ndzi fikisa emadyelweni ya rihlaza, u ndzi yisa ematini layo tenga.

³ U hlayisa moya wa mina, u ndzi fambisa etindleleni leto lulama hikwalaho ka vito ra wena.

⁴ Ni loko ndzi nga famba enkoveni wa xinyami xo chavisa, a ndzi chavi nchumu xo biha, hikuva u na mina: Wa ndzi lwela ni ku ndzi hlayisa.

⁵ U ndzi endlela nkhuvo valala va mina va langutile; u ndzi chela mafurha yo nun'hwela enhlokweni, ni ndzheko wa mina wa khapa.

⁶ Ina, vunene ni rirhandzu ra wena swi ta ndzi sirhelela masiku hinkwawo ya ku hanya ka mina, kutani ndzi ta tshama endlwini ya wena vutomi bya mina hinkwabyo.