Pisalema 150 - BIBELE Mahungu Lamanene

Dzunisani HOSI, n'wina hinkwenu!

¹ Dzunisani HOSI! Dzunisani Xikwembu exivandleni xa xona lexo hlawuleka, xi dzuniseni ehansi ka tilo leri kombaka matimba ya xona.

² Xi dzuniseni, hikuva xi endlile leswo hlamarisa, xi dzuniseni hikuva i Xikwembu lexikulu ngopfu!

³ Xi dzuniseni mi mbvungunyisa mhalamhala, xi dzuniseni hi tiharipa ni swipendana swa n'wina.

⁴ Xi dzuniseni hi ku cina mi ri karhi mi ba swingomana, xi dzuniseni hi switende, mi chaya ni tinanga.

⁵ Xi dzuniseni hi ku bananisa swiphambati swa nsimbhi leswikulu ni leswitsongo.

⁶ Hinkwaswo leswi hefemulaka, a swi dzunise HOSI Xikwembu! Dzunisani HOSI!