Pisalema 15 - BIBELE Mahungu Lamanene

Leswi Xikwembu xi swi lavaka

Pisalema ya Davhida.

¹ We HOSI, i mani la nga ta ku endzela eTempeleni ya wena, xana? Ku ta aka mani entshaveni ya wena leyo hlawuleka, xana?

² I munhu wa mahanyelo layo tenga loyi a endlaka leswi lulameke, la vulaka leswi tiyeke hilaha swi nga hakona embilwini ya yena.

³ Munhu wo tano a nga lumbeti van'wana, a nga endleli nakulobye leswo biha, ú chava ku hleva muakelani wa yena.

⁴ Ú sola vanhu lava nga pfuniki nchumu, kambe a xixima lava va tirhelaka HOSI Xikwembu; loko a hlambanyile, a nga hundzuki, hambiloko swi nga n'wi vangela khombo.

⁵ A nga lavi ntswalo, loko a lombile munhu emali, ú ala ni ku xaviwa leswaku a dlayisa la nga riki na nandzu. La endlisaka sweswo a nga ka a nga tsekatsekisiwi ni siku ni rin'we.