Pisalema 146 - BIBELE Mahungu Lamanene

Xikwembu xi lwela lava xanisiwaka

¹ Dzunisani HOSI! Ndzi lava ku dzunisa HOSI Xikwembu ndzi vuyelela.

² Ndzi ta vonga HOSI vutomi bya mina hinkwabyo, ndzi twarisa Xikwembu xanga hi tinsimu loko ndza ha hanya.

³ Mi nga veki ku tshemba ka n'wina eka vanhu va swiyimo swa le henhla, hikuva i va nyama ni ngati, va nge ponisi munhu!

⁴ Siku va hlalaka, va tlhelela entshurini, kutani makungu ya vona ma lovisa sweswo, enkarhini wolowo!

⁵ Ku katekile munhu loyi Xikwembu xa va ka Yakobo xi nga mupfuni wa yena, loyi a vekaka ku tshemba ka yena eka HOSI Xikwembu xakwe.

⁶ Xikwembu hi xona xi endleke tilo ni misava ni lwandle, ni hinkwaswo leswi hanyaka eka swona; minkarhi hinkwayo xa tshembeka.

⁷ Xi yima ni lava xanisiwaka, lava sikaka xa va phamela, lava bohiweke xi va humesa ekhotsweni.

⁸ HOSI Xikwembu xi pfula mahlo ya lava nga voniki, lava tshikeleriwaka xa va kutsula, xi rhandza vanhu lava lulameke.

⁹ HOSI Xikwembu xi hlayisa valuveri, xi tikarhatela swisiwana ni tinoni, kambe xi hingakanya tindlela ta lavo homboloka.

¹⁰ HOSI Xikwembu xi ta fuma hilaha ku nga heriki, hi xona Xikwembu xa wena, we muti wa Siyoni, hi minkarhi ni minkarhi! Dzunisani HOSI!