Pisalema 129 - BIBELE Mahungu Lamanene

Xikhongelo xo kombela ku hluleriwa valala

Risimu ra lava teke enkhubyeni eYerusalema.

¹ Vaisraele a va vule va ku: “Valala va hi xanisile ngopfu ku sukela khale;

² va hi xanisile ku tlula mpimo hakunene, kambe a va hi hlulanga.

³ Va hi bile va hi handzulela minhlana, onge va le ku rimeni ka nsimu!

⁴ Kambe HOSI Xikwembu xa tshembeka: Xi tsemile tintambhu leti lavo homboloka a va hi bohile ha tona.”

⁵ Hinkwavo lava vengaka muti va Siyoni a va khomiwe hi tingana va hlongoriwa.

⁶ A va fane ni byanyi lebyi milaka elwangwini, lebyi vunaka byi nga si vupfa:

⁷ Lava va byi kutlaka va nge kumi nchumu, ni kenya rinene ri nge humi kona.

⁸ Hambi va ri vahundzi va ndlela, va nga tshuki va va navelela minkateko ya HOSI kumbe ku va katekisa hi vito ra yona.