Pisalema 120 - BIBELE Mahungu Lamanene

Xikhongelo xa munhu loyi a lumbetiwaka

Risimu ra lava teke enkhubyeni eYerusalema.

¹ Loko ndzi ri emaxangwini, ndzi huwelele eka HOSI kutani yi ndzi hlamurile.

² Ni sweswi ndzi ri, ndzi ponise we HOSI eka vahembi ni vakanganyisi.

³ Wena mukanganyisi, xana Xikwembu xi ta ku endla yini, nakona xi ta ku ba ha yini xana?

⁴ Xi ta ku tlhava hi miseve leyo tontswa ya nyimpi, leyi nga ni makala lama vuvumelaka.

⁵ Ndzi ni khombo mina ndzi nga muluveri etikweni ra Mexeke, mina ndzi tshamaka exikarhi ka va ka Kedari.

⁶ I khale ndzi ri karhi ndzi tshama exikarhi ka vanhu lava vengaka ku rhula.

⁷ Mina ndzi rhandza ku rhula, kambe loko ndzi vulavula hi ku rhula loku, vona va pfuxa nyimpi.