Ntirho 25 - BIBELE Mahungu Lamanene

Bilidada ú ri, emahlweni ka Xikwembu, ku hava la lulameke

¹ Kutani Bilidada wa le Xuwaka a hlamula a ku:

² “We Yobo, ku fuma ni ku chaviseka i swa Xikwembu, xi nyika ku rhula xi ri henhla ematilweni.

³ Xana ntsengo wa tinhenha ta xona wa hlayeka ke, i mani loyi dyambu ra xona ri nga n'wi tlhaveriki, xana?

⁴ Emahlweni ka xona, ku hava la pfumalaka nandzu, munhu wa nyama a nge vi la tengeke eka xona.

⁵ Leswi n'weti wu nga hatimiki ku ringana, na tona tinyeleti ti nga basangiki emahlweni ka Xikwembu,

⁶ xana munhu wa nyama a nga va ni nkoka muni, leswi a ngo va xihehli kumbe xivungunyana, ke?”