Nehemiya 10 - BIBELE Mahungu Lamanene

¹ “Lava va wu tiyisaka hi ku fungha hi lava: Ndhunankulu, yena Nehemiya n'wana Hakaliya, na Sedekiya,

² na Seraya, na Azariya, na Yeremiya,

³ na Paxahuru, na Amariya, na Malikiya,

⁴ na Hatuxi, na Xebaniya, na Maluka,

⁵ na Harimi, na Meremoto, na Obadiya,

⁶ na Daniele, na Ginetoni, na Baruku,

⁷ na Mexulama, na Abiya, na Miyamini,

⁸ na Maaziya, na Biligayi, na Xemaya. Lava i vaprista.

⁹ Valevhi hi lava: Yexuwa n'wana Azaniya, na Binuyi wa ka Henadada, na Kadimiele.

¹⁰ Valevhi van'wana hi lava: Xebaniya, na Hodiya, na Kelita, na Pedaya, na Hanana,

¹¹ na Mika, na Rehobo, na Haxabiya,

¹² na Zakuru, na Xerebiya, na Xebaniya,

¹³ na Hodiya, na Bani, na Beninu.

¹⁴ Varhangeri va vanhu hi lava: Paroxi, na Pahata-Mowabu, na Elamu, na Zatu, na Bani,

¹⁵ na Buni, na Azagadi, na Bebayi,

¹⁶ na Adoniya, na Bigivhayi, na Adina,

¹⁷ na Atere, na Hezekiya, na Azuri,

¹⁸ na Hodiya, na Haxumu, na Besayi,

¹⁹ na Harifi, na Anatoto, na Nebayi,

²⁰ na Magipiyaxi, na Mexulama, na Heziri,

²¹ na Mexezabele, na Sadoki, na Yaduwa,

²² na Pelatiya, na Hanana, na Anaya,

²³ na Hoxeya, na Hananiya, na Haxubu,

²⁴ na Halohexe, na Pileha, na Xobeke,

²⁵ na Rehumi, na Haxabina, na Maaseya,

²⁶ na Ahiya, na Hanana, na Anani,

²⁷ na Maluka, na Harimi, na Baana.

²⁸ “Hina Vaisraele, ni vasati va hina, ni vana va hina va xinuna ni va xisati lava nga ni mano yo twisisa nawu, ni vaprista, ni Valevhi, ni lava rindzaka enyangweni, ni vayimbeleri, ni vatirhi va le Tempeleni, ni hinkwavo lava fularheleke vaaki va tiko leri, hina hinkwerhu hi namarhelaka Nawu wa Xikwembu,

²⁹ hi yima swin'we ni vamakwerhu, vona varhangeri, hi tiyisa leswaku makhombo lawa ma nga hi wela, hi ta ma amukela, naswona hi tshembisa hi ku hlambanya leswaku Nawu wa Xikwembu lowu xi wu nyikeke nandza wa xona Muxe, hi ta wu landza, ni leswaku swileriso swa HOSI Xikwembu N'wini wa hina ni swiletelo ni milawu ya xona hi ta swi hlayisa hi hanya ha swona.

³⁰ Hi nga ka hi nga pfumeli leswaku vana va hina va xisati va tekiwa hi vaaki va tiko leri, naswona hi nga ka hi nga yi hi ya tekela vana va hina va xinuna evasati exikarhi ka vona.

³¹ Tlhandlakambirhi, loko vanhu lava va ta ni tinhundzu kumbe mavele va ta swi xavisa hi siku ra Savata kumbe siku rin'wana leri hlawuleriweke Xikwembu, hina a hi nga xavi. Hi lembe rin'wana na rin'wana ra vu-7 hi ta tshika ku rima masimu ya hina, naswona hi ta tshika ku londzana swikweleti.

³² “Hi tlhela hi tiboha leswaku lembe rin'wana ni rin'wana hi ta humesa nhlengo wa silivhere yo tika 4 g, hi pfuna ku fambisa ntirho endlwini ya Xikwembu xa hina.

³³ Nhlengo lowu wu ta pfuna ku xava Xinkwa lexo Hlawuleka, ni swa magandzelo ya swa le masin'wini ya siku rin'wana na rin'wana, ni swa magandzelo lama hisiwaka ya siku rin'wana na rin'wana, ni swa siku ra Savata ni swa nkhuvo wa ku tshama ka n'weti, ni swa minkhuvo yin'wana leyi vekiweke, ni swilo swin'wana leswo hlawuleka, ni swa timhamba to susa swidyoho leti endleriwaka ku basisa Vaisraele, naswona wu ta pfuna emintirhweni hinkwayo ya le ndlwini ya Xikwembu xa hina.

³⁴ Hi tlhelo ro yisa tihunyi enkarhini wa minkhuvo leyi vekiweke, leti nga ta hisa magandzelo ehenhla ka alitari ya Xikwembu xa hina hilaha swi tsariweke ha kona enawini, hina ni vaprista ni Valevhi hi ta hamba hi hlawulana hi ku hoxa vuhlolotwana lembe rin'wana na rin'wana; byona byi ta komba ndyangu lowu faneleke ku yisa tihunyi endlwini ya Xikwembu lembe rolero.

³⁵ Naswona hi tiboha leswaku lembe rin'wana na rin'wana hi ta hamba hi yisa endlwini ya HOSI Xikwembu leswi hi rhangaka hi swi tshovela emasin'wini; hi ta yisa ni mihandzu yo sungula ya mirhi hinkwayo ya mihandzu.

³⁶ Na vona vana va hina va mativula hi ta va yisa endlwini ya Xikwembu xa hina, eka vaprista lava tirhaka kona; hi ta yisa ni mativula ya swifuwo swa hina leswikulu ni leswitsongo, hilaha swi tsariweke hakona eNawini.

³⁷ Hi ta yisela ni vaprista endlwini ya Xikwembu xa hina mavele lama hi sungulaka ha wona ku kandza; hi ta va yisela ni mihlengo ya hina ya mihandzu ya mirhi hinkwayo, ni ya vhinyo, ni ya mafurha; hi ta yisela ni Valevhi vukhume bya swa le masin'wini, hikuva hi vona va vekiweke ku hlengeleta vukhume eswimitaneni swa hina.

³⁸ Loko Valevhi va amukela vukhume, ku ta va ni muprista wa ka Aroni, kutani Valevhi va ta humesa vukhume bya vukhume va byi tisa eTempeleni va ta byi veka etindlwini ta vuhlayiselo.

³⁹ Vaisraele ni Valevhi va ta humesa nhlengo wa mavele, ni vhinyo, ni mafurha, va wu tisa endlwini laha ku nga ni swibya swa xivandla lexo hlawuleka ni vaprista lava nga ntirhweni, ni varindzi va le nyangweni, ni vayimbeleri. Yindlu ya Xikwembu xa hina, hi ta yi hlayisa!”