1 TIKRONIKA 1 - BIBELE Mahungu Lamanene

Vakokwa wa Abrahama ku sukela eka Adamu

¹ Adamu a veleka Seta, Seta a veleka Enosi,

² Enosi a veleka Kenani, Kenani a veleka Mahalalele, Mahalalele a veleka Yarede,

³ Yarede a veleka Enoko, Enoko a veleka Metuxela, Metuxela a veleka Lameke,

⁴ Lameke a veleka Nowa, kutani Nowa a veleka Xeme, na Hamu, na Yafeta.

⁵ Va ka Yafeta hi lava: Gomere, na Magogo, na Madayi, na Yavhani, na Tubala, na Mexeke, na Tirasi, va nga vatata wa matiko lama thyiweke mavito lawa.

⁶ Va ka Gomere i Axikenazi, na Difata, na Togarima.

⁷ Lava humaka eYavhani i va le Elixa, ni va le Tarxixi, ni va le Kipra, ni va le Rhoda.

⁸ Va ka Hamu hi lava: Kuxi, na Egipta, na Putu, na Kanana, va nga vatata wa matiko lama thyiweke mavito lawa.

⁹ Lava humaka eKuxi i Seba, na Havhila, na Sabita, na Rhama, na Sabiteka. Lava humaka eRhama i Xeba, na Dedani.

¹⁰ Un'wana la humaka eKuxi i Nimrodo, loyi a nga va nhenha yo sungula laha misaveni.

¹¹ Lava humaka le Egipta i va le Ludu, ni va le Anamu, ni va le Lehaba, ni va le Nafetuhi,

¹² ni va le Patroso, ni va le Kasiluhi, ni va le Kafitoro va nga vona vakokwa wa Vafilista.

¹³ Lava humaka eKanana i va le Sidoni va nga varhangeri va kona, ni va le Heti,

¹⁴ ni Vayebusi, ni Vaamori, ni Vagirigaxi,

¹⁵ ni Vahivhi, ni Vaariki, ni Vasini,

¹⁶ ni Vaarivhada, ni Vasemari, ni Vahamata.

¹⁷ Va ka Xeme hi lava: Elamu, na Axuru, na Aripakixada, na Ludu, na Mexeke, va nga vatata wa matiko lama thyiweke mavito lawa.

¹⁸ Aripakixada a veleka Xeba, Xeba a veleka Ebere.

¹⁹ Ebere a veleka vana vambirhi; lonkulu i Pelege (hileswaku “Ku avana”, hikuva enkarhini wa yena, matiko ma sungurile ku avana); makwavo wa yena i Yokotani.

²⁰ Lava humaka eka Yokotani i Alimodada, na Xelefi, na Hasari-Mavheti, na Yera,

²¹ na Hadorama, na Uzala, na Dikila,

²² na Ebala, na Abimaele, na Xeba,

²³ na Ofira, na Havhila, na Yobabu. Vanhu lava hinkwavo i va ka Yokotani.

²⁴ Xeme a veleka Aripakixada, Aripakixada a veleka Xela,

²⁵ Xela a veleka Ebere, Ebere a veleka Pelege, Pelege a veleka Rhewu,

²⁶ Rhewu a veleka Serugi, Serugi a veleka Nahoro, Nahoro a veleka Tera,

²⁷ Tera a veleka Abrama, hileswaku Abrahama.

Vana va Iximaele

²⁸ Vana va Abrahama hi lava: Isaka na Iximaele.

²⁹ Vana va Iximaele hi ku tlhandlamana ka vona i Nebayoto, na Kedari, na Adibiele, na Mibisama,

³⁰ na Mixima, na Duma, na Masa, na Hadada, na Tema,

³¹ na Yeturu, na Nafixi, na Kedema. Lava hi vona vana va Iximaele.

Vana va Abrahama na Ketura

³² Ketura nsati lontsongo wa Abrahama a veleka vana lava: Zimrana, na Yokixani, na Medani, na Midiyani, na Yixibaka, na Xuwaka. Vana va Yokixani i Xeba na Dedani.

³³ Vana va Midiyani i Efa, na Efere, na Hanoko, na Abida, na Elida. Lava hinkwavo, hi vona vatukulu va Ketura.

Va ka Esawu

³⁴ Abrahama a a ri tata wa Isaka; kutani Isaka a veleka Esawu na Israele.

³⁵ Vana va Esawu hi lava: Elifasi, na Rhuwele, na Yewuxi, na Yalamu, na Kora.

³⁶ Vana va Elifasi i Temani, na Omara, na Sefo, na Gatamu, na Kenazi, na Timina, na Amaleke.

³⁷ Vana va Rhuwele hi lava: Nahata, na Zera, na Xama, na Miza.

Va ka Seyira

³⁸ Va ka Seyira hi lava: Lotani, na Xobala, na Sibeyoni, na Ana, na Dixoni, na Esere, na Dixani.

³⁹ Vana va Lotani i Hori, na Homani. Makwavo wa Lotani wa xisati a a ri Timina.

⁴⁰ Vana va Xobala i Aliyani, na Manahate, na Ebali, na Xefo, na Onamu. Vana va Sibeyoni i Aya na Ana.

⁴¹ N'wana Ana wa xinuna i Dixoni. Vana va Dixoni hi lava: Hamirani, na Exibani, na Yitirana, na Kerani.

⁴² Vana va Esere hi lava: Bilihani, na Savhana, na Akani. Vana va Dixani i Usi na Arani.

Ta tihosi ta le Edomu

⁴³ Tiko ra Edomu ri vile ni tihosi, tiko ra Israele ri nga si va na tona. Bela n'wana Beyori ú fumile tiko ra Edomu a ri karhi a tshama emutini wa Dinihaba.

⁴⁴ Loko Bela a fa, Yobabu n'wana Zera wa le Bosira a sala a fuma.

⁴⁵ Loko Yobabu a fa, Huxama wa le tikweni ra Vatemani a sala a fuma.

⁴⁶ Loko Huxama a fa, Hadadi n'wana Bedadi, yena loyi a hluleke Vamidiyani etikweni ra Mowabu, a sala a fuma a ri karhi a tshama emutini wa Avhiti.

⁴⁷ Loko Hadadi a fa, Samila wa le Masireka a sala a fuma.

⁴⁸ Loko Samila a fa, Xawulu wa le Rehoboto eribuweni ra Yufrata a sala a fuma.

⁴⁹ Loko Sawulu a fa, Baali-Hanani n'wana Akibora a sala a fuma.

⁵⁰ Loko Baali-Hanani a fa, Hadadi a sala a fuma a ri karhi a tshama emutini wa Payi. Nsati wa yena a a ri Mehetabele n'wana Matirede wa Mezaba.

⁵¹ Kutani Hadadi na yena a fa. Varhangeri van'wana va le Edomu hi lava: Timina, na Aliya, na Yetete,

⁵² na Oholibama, na Ela, na Pinoni,

⁵³ na Kenazi, na Temani, na Mibisara,

⁵⁴ na Magadiele, na Iramu. Lava hi vona varhangeri va le Edomu.